Alem.ai halyqaralyq ortalyǵynda Qazaqstan men Belgıya joǵary oqu oryndary jetekshílerí bas qosqan ís-shara óttí. «Bílím beru men ǵylymı zertteulerge jasandy ıntellektíníń áserí» taqyrybyn arqau etken jıyn ınteraktıvtí píkírtalas formatynda ūıymdastyryldy.
Píkírtalasqa qatysushylar jasandy ıntellekt tehnologıyalary joǵary bílím men zamanauı ǵylym salasyna qandaı ózgerís ákeletínín egjeı-tegjeılí talqylady. Atap aıtqanda, Qazaqstannyń Europa men Azıya arasyndaǵy aımaqtyq hab, sondaı-aq bílím beru, zertteuler jáne ınnovatsıyalar baǵytyndaǵy yntymaqtastyqqa arnalǵan strategıyalyq alań retíndegí rólí qarastyryldy.
Akademıyalyq, sondaı-aq bílím beru ortasynda jasandy ıntellekt pen oqu mashınasyn paıdalanuǵa, oqu jáne oqytu úderísteríndegí jańa tehnologıyanyń yqpalyna basa nazar audaryldy.
Forum ayasynda Qazaqstan men Belgıya joǵary oqu oryndary seríktestígín keńeıtu, bírlesken bílím beru árí zertteu bastamalaryn íske qosu, akademıyalyq ūtqyrlyqty damytu jáne joǵary mekteptegí tsıfrlyq transformatsıya salalarynda tájírıbe almasu máselelerí pysyqtaldy.
Ís-shara qorytyndysy boıynsha ekí el unıversıtetterí arasynda bírqatar kelísím men memorandumǵa qol qoıyldy.
.jpg)
