Qazaqstanda barlyq deńgeıdegí máslıhat deputattarynyń kezekten tys saılauy 2026 jylǵy 29 qarashaǵa belgílendí, – dep habarlaıdy aqshamnews.kz tílshísí.
OSK tóraǵasynyń orynbasary Mūhtar Ermannyń aıtuynsha, saılau Memleket basshysynyń barlyq deńgeıdegí máslıhattardyń ókílettígín merzímínen būryn toqtatu turaly Jarlyǵy negízínde ūıymdastyrylady.
"Qazaqstan Respublıkasyndaǵy saılau turaly" Konstıtutsıyalyq zańǵa sáıkes, ókílettígí merzímínen būryn toqtatylǵan máslıhat deputattarynyń kezekten tys saılauy tıístí sheshím qabyldanǵan kúnnen bastap ekí aıdan keshíktírílmeı ótkízíluí kerek.
Aldaǵy saılau ayasynda elímízdegí 228 máslıhattyń 3 447 deputaty saılanady. Onyń íshínde 668 mandat oblystyq, 626 mandat qalalyq, al 2 053 mandat audandyq máslıhattarǵa tıesílí.
Máslıhat deputattary jalpyǵa bírdeı, teń jáne tóte saılau qūqyǵy negízínde jasyryn dauys beru arqyly bes jyl merzímge saılanady.
Eske salaıyq, būǵan deıín Memleket basshysy barlyq deńgeıdegí máslıhattardyń ókílettígín merzímínen būryn toqtatu turaly Jarlyqqa qol qoıǵan bolatyn.