Zań memlekettíń dene shynyqtyru jáne sport salasyn damytu sayasatyn jetíldíruge baǵyttalǵan, dep habarlaıdy aqshamnews.kz.
Uákílettí organ basym sport túrleríníń respublıkalyq jáne óńírlík tízbesín ázírleıdí, joǵarǵy jetístíkter sporty túrleríníń tízímín jáne olardy byudjet esebínen qarjylandyru tártíbín aıqyndaıdy.
Basym sport túrlerí halyqaralyq arenada qol jetkízgen nátıjelerge qaraı bekítíledí. Būl – Olımpıada, Paralımpıada, Surdlımpıada, Azıya, Parazıya oıyndarynyń baǵdarlamasyna engen sport túrlerí, sondaı-aq ūlttyq sport túrlerí.
Sport federatsıyalaryn akkredıtteuge qatysty erejeler jetíldíríldí. Endí olar ūlttyq jáne jergílíktí sport federatsıyalary bolyp bólínedí.
Sheteldík legıonerlerdí byudjetten jáne kvazımemlekettík sektor subektíleríníń qarajaty esebínen qarjylandyruǵa tyıym salynady. Būdan bylaı byudjet qarajaty tek tórt baǵytqa: joǵary jetístíkter sportyna, onyń íshínde sporttyń basym túrleríne, memlekettík dene shynyqtyru-sport ūıymdarynyń qyzmetíne, būqaralyq sportqa, sporttyq ınfraqūrylymdy damytuǵa jūmsalady.
Zańǵa «sporttyq dayarlyqtyń ūlttyq standarttary» ūǵymy engízíledí. Soǵan sáıkes sportshylardy tól tanym-túsínígímízge saı tárbıelep, olardyń boıyna dástúrlí qūndylyqtardy síńírudí kózdeıtín bíryńǵaı dayarlau standarty ázírlenedí.
Uákílettí organǵa dopıngke qarsy erejelerdí būzǵany úshín shara qabyldau ókílettílígí beríledí.
Zańnyń mátíní baspasózde jarıyalanady.