Prezıdent jyl sońyna deıin sıfrlandyrýǵa jaýapty árbir vıse-mınıstr úshin naqty KPI ázirleýdi talap etti
Dástúrli «Digital Bridge» halyqaralyq tehnologıalyq forýmynda Memleket basshysy Prezıdent Qasym-Jomart Toqaev sıfrlandyrý isine jaýapty vıse-mınıstrler jumysynyń nátıjeliligin synǵa aldy, dep habarlaıdy almaty-akshamy.kz QazAqparat saıtyna silteme jasap.
Memleket basshysynyń aıtýynsha, olardyń basty mindeti –kúndelikti búrokratıalyq jumys emes, sıfrlyq reformalar men ózgeristerdi júzege asyrý. Osyǵan baılanysty Prezıdent jyl sońyna deıin sıfrlandyrýǵa jaýapty árbir vıse-mınıstr úshin naqty KPI ázirleýdi talap etti jáne Premer-Mınıstrge olardyń qyzmetine qatysty ustanymdy qaıta qaraýdy, kadrlyq quramyna baǵa berýdi tapsyrdy.
Qasym-Jomart Toqaevtyń pikirinshe, bıznes-qoǵamdastyq atsalyspaı, jalpymemlekettik «sıfrlyq sekiris» jasaý múmkin emes, al kompanıalardyń básekege qabilettiligi olardyń sıfrlandyrylý deńgeıimen anyqtalady.
«Siemens» kompanıasynyń baǵalaýy boıynsha, otandyq ónerkásiptik kásiporyndardyń 80 paıyzynda avtomattandyrý deńgeıi óte tómen, ıaǵnı Indýstrıa 2.0 deńgeıinde. Esterińizge sala keteıin, biz Indýstrıa 4.0 dáýirinde ómir súrip jatyrmyz. Bul – asa aýqymdy másele. Onyń talaptaryna tujyrymdamalyq jaǵynan da, praktıkalyq turǵydan da naqty ári laıyqty jaýap berý kerek. Sıfrlyq sheshimderdi qoldaýdyń tıimdi quraldaryn, eń aldymen, óńdeý sektorynda keńeıtý kerek», – dedi Memleket basshysy.
Eske salsaq, Memleket basshysy Qasym-Jomart Toqaev «Digital Era Lifestyle» taqyrybynda ótken dástúrli «Digital Bridge» halyqaralyq tehnologıalyq forýmyna qatysty.