Memleket basshysy ónerkásíp, avtokólík shyǵaru, qūrylys sektory, energetıka salalarynda sońǵy jyldary aıtarlyqtaı tabysqa qol jetkenín atap ótíp, taraptar būl baǵyttaǵy yntymaqtastyqty kezeń-kezeńímen keńeıtu jūmystaryn jalǵastyruǵa kelískeníne toqtaldy, - dep habarlaıdy Aqshamnews.kz.
– Auyl sharuashylyǵy salasyndaǵy baılanystardy nyǵaıtu basym míndet retínde belgílendí. Atalǵan baǵytty órístetuge Qazaqstan men Ózbekstannyń jetkílíktí resurstary bar, ónerkásíp jáne kadr áleuetí de joǵary. Elderímíz óz múmkíndíkterín bíríktíru arqyly óńírdíń azyq-túlík qauípsízdígín qamtamasyz etíp, álemdík naryqtaǵy ornyn kúsheıte alady. Agroónerkásíp kesheníndegí bírqatar joba, sonyń íshínde bıdaı men et-sút ónímderín óńdeu máselelerí pysyqtaluda. Agrosektordaǵy bírlesken jobalarǵa jan-jaqty qoldau kórsetuge kelístík, – dedí Prezıdent.
Qasym-Jomart Toqaevtyń aıtuynsha, ískerlík toptar arasyndaǵy baılanystardy odan árí keńeıtu qajet.
– Qazaqstanda ózbek kapıtalynyń qatysuymen 6 myńnan asa kásíporyn tabysty jūmys ísteıdí. Bíz osy baǵyttaǵy yntymaqtastyqty arttyruǵa, ózbek bıznesíníń órken jayuyna qolaıly jaǵdaı jasauǵa daıynbyz. Óńírler arasyndaǵy yqpaldastyqtyń kúsheyuí – oń úrdís. Būrynǵy Óńíraralyq forum Óńír basshylarynyń keńesí retínde qaıta qūrylyp, ūdaıy qyzmet atqarady. Būl sheshím bízdíń nıetímíz ben osy qūrylymǵa artqan úmítímízdíń qanshalyqty salmaqty ekenín baıqatady, – dedí Memleket basshysy.
