Jangeldın auylynda bír otbasynyń jūmbaq jaǵdaıda joǵaluyna qatysty ís boıynsha jańa derekter paıda boldy, – dep habarlaıdy aqshamnews.kz tílshísí Tengrinews.kz-ke sílteme jasap.
Erlí-zaıyptynyń ólímí
Redaktsıyanyń resmı saualyna bergen jauapta, polıtsıya Sūltan Sársemálıev pen onyń būrynǵy áıelí Aqbayannyń ūstalǵanyn rastady.
"Qazaqstan ÍÍM qyzmetkerlerí sheteldík áríptestermen ózara ís-qımyl nátıjesínde Indonezıyadaǵy Lombok aralyndaǵy Senaru auylynda asa auyr qylmys jasady degen kúdíkke ílíngen er adamdy ūstady. Ol Qylmystyq kodekstíń 99-baby 2-bólígí boıynsha kúdíkke alynǵan. Onymen bírge būryn habar-osharsyz kettí dep tanylyp, halyqaralyq ízdeu jarıyalanǵan būrynǵy jūbaıy da anyqtaldy", – delíngen polıtsıyanyń resmı jauabynda.
Polıtsıya erlí-zaıypty Maqsot Qarabalın men Násíp Óteshqalıevanyń ólímíne qatysty mán-jaıdy da habarlady. Tergeu derekteríne sáıkes, ekí zeınetker 2025 jylǵy qarashada óltírílgen, alaıda olardyń máıítí tek 2026 jyldyń 6 qańtarynda tabylǵan.
"2025 jylǵy qarashada Atyrau oblysynda kúdíktí qasaqana, paıdakúnemdík maqsatta jáne ūzaq uaqytqa sozylǵan tūrmystyq janjaldar saldarynan aldyn ala josparlap, ekí adamdy óltírgen. Ol qylmysty jasaǵannan keıín ízín jasyru maqsatynda máıítterdí sharuashylyq maqsatta salynǵan saraıdyń astyna kómíp, qan ízderín súrtíp, sondaı-aq jábírlenushílerdíń múlkí men aqshasyn ıemdengen", – dep habarlady polıtsıya.
Polıtsıyanyń baspasóz qyzmetí otbasynyń kenje qyzy Aqbayanǵa qandaı aıyp taǵylǵanyn naqtylaǵan joq.
Aqbayannyń aǵasy men ápkesíníń máıítí qaıdan tabyldy?
9 nauryzda keshke Aqbayannyń aǵasy men ápkesí - Nauryz ben Meıramgúldíń máıítterí Atyrau mańyndaǵy Geolog shaǵyn audanynan tabylǵany belgílí boldy. BAQ málímetínshe, olardy būǵan deıín otbasynyń kúıeu balasy árí basty kúdíktí Sūltan Sársemálıev jalǵa alyp tūrǵan úıdíń aulasynan tapqan.
"Aq Jaıyq" basylymy málímetínshe, er adam Indonezıyadan Almatyǵa jetkízílgennen keıín kísí óltírgenín moıyndap, máıítterdí jerlengen orndy kórsetken. Būǵan deıín tergeude tek ata-anasynyń óltírílgení turaly derek bolǵan. Endí ízdeude bolǵan barlyq adamnyń máıítí tabyldy. Būl aqparatty otbasynyń tuystary rastady.
Saraptama jáne jerleu
Qaza tapqandardyń tuysy Ásılá Mūqanǵalıevanyń aıtuynsha, qazírgí uaqytta Nauryz ben Meıramgúldíń máıítterí máıíthanada, onda qajettí saraptamalar júrgízílíp jatyr.
"Qazír sot-medıtsınalyq saraptama ótíp jatyr. Eger búgín keshke máıítterdí bízge berse, erteń jerleu rásímí ótedí. Oqıǵa ornynda tuystar bar, bíz jańalyq kútíp otyrmyz", – dedí ol.
Aqbayan men Sūltannyń balalary qaıda?
3 aqpanda kúdíktí er adamnyń bes kámeletke tolmaǵan balasy uaqytsha memlekettík qorǵauǵa alynǵany belgílí boldy.
Atyrau oblystyq Bílím basqarmasy 2 aqpanda ákímdíkke polıtsıyadan shūǵyl sharalar qabyldau turaly hat túskenín habarlady. Qūjatta kúdíktíníń bes balasyn uaqytsha qauípsíz jerge ornalastyru qajettígí kórsetílgen.
"Mahambet audandyq kámeletke tolmaǵandar ísterí jáne olardyń qūqyqtaryn qorǵau jóníndegí komıssıyasy úsh balany Atyrau oblysy bílím basqarmasynyń Kámeletke tolmaǵandardy beıímdeu ortalyǵyna uaqytsha ornalastyrdy, al jasy 3 jáne 1 jastaǵy ekí sábıdí mamandandyrylǵan balalar úıíne ornalastyrdy", – dep habarlaǵan edí vedomstvo.
Basqarmanyń baspasóz qyzmetí balalardyń jaǵdaıy tūraqty baqylauda ekenín atap óttí.
Búgín, 10 nauryzda Balalardyń qūqyqtaryn qorǵau komıtetíníń baspasóz qyzmetí balalardyń álí de memlekettík qorǵauda ekenín naqtylady.
"Tergeu amaldarynyń júrgízíluíne baılanysty balalardyń árí qaraıǵy taǵdyry turaly málímetter jarıyalauǵa jatpaıdy", -dep habarlady vedomstvo.
Otbasy turaly ne belgílí?
66 jastaǵy Maqsot Qarabalın men 64 jastaǵy jūbaıy Atyrau oblysynyń Jangeldın auylynda tūrǵan. Tuystarynyń aıtuynsha, erlí-zaıyptynyń úshínshí toptaǵy múgedektígí bolǵan jáne mal sharuashylyǵymen aınalysqan. Olardyń úsh balasy bar - ekí qyzy men bír ūly.
2025 jyldyń 25 jeltoqsanynda polıtsıyaǵa tuystary otbasy joǵalyp ketkení turaly habarlaǵan. Qūqyq qorǵau organdary málímetínshe, jergílíktí tūrǵyn ózíníń aǵasy, onyń jūbaıy jáne ekí eresek balasy, yaǵnı 32 jastaǵy ūly Nauryz ben 35 jastaǵy qyzy Meıramgúl qarashadan berí baılanysqa shyqpaı júrgenín aıtqan.
Keıín otbasy úıínen shyǵyp ketkení, sodan berí olardyń qaıda ekení turaly eshqandaı aqparat bolmaǵany belgílí boldy.
6 qańtarda polıtseıler zeınetker erlí-zaıyptynyń máıítín tapty. Osydan keıín qūqyq qorǵau organdary qylmystyq ís qozǵady.
