– Bíz kez kelgen qaqtyǵys dıplomatıyalyq jolmen, kelíssózder arqyly sheshíluge tıís dep esepteımíz, árqashanda «as pen tas» strategıyasyn júrgízuge daıyn boluymyz qajet. Bíz halyqaralyq qūqyq qaǵıdattary men normalary qatań saqtaluy kerek dep sanaımyz. Qazaqstan álemníń barlyq elímen dostyq qarym-qatynasyn nyǵaıta beredí. Osy myzǵymas ūstanymdar jańa Ata zańymyzda naqty aıqyndaldy. Bíraq būl qamsyz otyru qajet degen sóz emes. Elímíz túrlí syn-qaterdíń aldyn aluǵa jáne kez kelgen qauípke tótep beruge daıyn boluǵa tıís. Sondyqtan memleketímízdíń qorǵanys qabíletín kúsheıtíp, áskerímízdí eń bírínshí kezekte tehnologıyalyq tūrǵydan jańǵyrta beruímíz qajet. Būl – qazírgí tūraqsyz, qūbylmaly zamannyń talaby, sony eskere otyryp, eń aldymen, Qaruly kúshterímízdí jáne áskerı mekemelerímízdí túbegeılí reformalau kerek. Būl – strategıyalyq mańyzy zor míndet, ony sozbaı, ekí jyl íshínde oryndau qajet, – dedí Qasym-Jomart Toqaev.
Prezıdent: «Qazaqstan – ótkenge zor qūrmetpen, bolashaqqa úlken úmítpen qaraıtyn beıbít el»
