Memleket basshysy sońǵy jetí jylda elímízde júzege asyrylǵan reformalardyń naqty nátıjeleríne toqtaldy, – dep habarlaıdy aqshamnews.kz tílshísí.
Ekonomıkalyq ósím men ınvestıtsıya
Prezıdent ekonomıkalyq ósím, ınvestıtsıya, kásípkerlík, tūrǵyn úı qūrylysy, bílím beru, densaulyq saqtau jáne jol ınfraqūrylymy salalaryndaǵy kórsetkíshterdí atap óttí.
«Azamattarymyz elímízde júrgízílgen reformalardyń tíkeleı kuágerí bolyp, sol ózgerísterdíń naqty nátıjesín kóríp otyr.
Sońǵy 7 jylda jalpy íshkí óním 29 paıyzǵa artyp, 306 mıllıard dollarǵa jettí.
Altyn-valyuta rezerví jáne Ūlttyq qor aktıvteríníń kólemí 138 mıllıard dollardan asty. Osy kezeńde elímízge 162 mıllıard dollardan astam ınvestıtsıya tartyldy.
Shaǵyn jáne orta bıznestíń ekonomıkadaǵy úlesí 40 paıyzdan asty.
Qazaqstanda jyl saıyn 20 mıllıon sharshy metrden astam tūrǵyn-úı boı kóteredí.
2019 jyldan bastap, 1 mıllıonnan astam oqushyǵa arnalǵan 1342 mektep salyndy.
Azamattardyń ortasha ómír súru ūzaqtyǵy 76 jasqa jettí.
Sondaı-aq 1200-den astam densaulyq saqtau nysany ashyldy.
Osy uaqyt íshínde 35 myń shaqyrymnan astam avtokólík joly salynyp, jóndeldí. Mūnyń bárín tarıhymyzdaǵy eń joǵary kórsetkísh deuge bolady.
Belsendí jūmystyń nátıjesínde Qazaqstan álemníń básekege qabílettí 40 elíníń qataryna endí», – dedí Prezıdent.
Aldaǵy josparlar
Memleket basshysy halyqtyń ál-auqatyn arttyru baǵytyndaǵy jūmys aldaǵy uaqytta da jalǵasatynyn jetkízdí.
«Bíz aldaǵy uaqytta da halyqtyń ál-auqatyn jaqsartu úshín tabandy eńbek ete beremíz», – dedí Qasym-Jomart Toqaev.