Premer-mınıstr Hun Manet ekí el arasyndaǵy mádenı-gumanıtarlyq baılanystardyń aıryqsha sıpatyna nazar audardy, – dep habarlaıdy aqshamnews.kz tílshísí.
– Kambodjanyń 120-dan asa studentí Qazaqstanda bílím aldy. Búgínde olardyń kóbí provıntsıyalarda gubernator, memlekettík hatshy lauazymdarynda eńbek etude. Sonymen qatar memlekettík organdarda jauapty qyzmetter atqaryp júr. Būl elderímízdí ortaq tarıh pen halyqtarymyz arasyndaǵy tyǵyz qarym-qatynas baılanystyratynyn ańǵartady, – dedí Premer-mınıstr.
Hun Manet Kambodja azyq-túlík qauípsízdígí, auyl sharuashylyǵy jáne óńdeu ónerkásíbí salalarynda yqpaldastyqty jandandyruǵa nıettí ekenín aıtty.
Taraptar joǵary deńgeıde júrgízílgen búgíngí kelíssózder elderímíz arasyndaǵy sauda-sattyq kólemín ūlǵaıtyp, ískerlík barys-kelístí nyǵaıtuǵa jáne seríktestíń tyń baǵyttaryn jolǵa qoyuǵa yqpal etetíníne sením bíldírdí.