Almatyda jeke stomatologıyada tís emdemek bolǵan úsh jasar bala qaıtys boldy, - dep habarlaıdy Aqshamnews.kz tílshísí Tengrinews.kz-ke sílteme jasap.
Ata-anasy balanyń ólímíne dárígerlerdíń áreketí sebep boldy dep sanap, polıtsıyaǵa aryz jazǵan. Alaıda ekí aıdan keıín qylmystyq ís jabylǵan.
Jaǵdaıdyń jaı-japsary
Bala 13 sáuírde tańerteń stomatologıyalyq operatsıyaǵa jetkízílgen. Tuystarynyń aıtuynsha, dárígerler 20 tís emdeu qajet ekenín aıtyp, protsedura shamamen 4 saǵatqa sozylady dep habarlaǵan.
Alaıda operatsıya «Sevoran» preparatymen 5,5 saǵattan astam uaqytqa sozylǵan. Saǵat 13:30 shamasynda balany operatsıya bólmesínen alyp shyqqanda, ol álsíz kúıde bolǵan. Dárígerler ony baqylauda qaldyrmastan, ata-anasyna úıíne alyp ketuge rūqsat bergen.
Úıde jaǵdaıy nasharlap, bala qaıtys bolǵan
Bala úıge kelgennen keıín esín tolyq jımaǵan. Keshke qaraı jaǵdaıy kúrt nasharlap, oǵan qūrysuy bastalǵan, denesí kógergen.
"Jedel járdem ūzaq uaqyt kelmedí. Ata-anasy ózderí balany auruhanaǵa jetkízdí, bíraq dárígerler ómírín saqtap qala almady", - deıdí balanyń tátesí.
Bala sol kúní 13 sáuírde kóz jūmǵan.
Qylmystyq ís ekí aıdan keıín jabylǵan
Oqıǵadan keıín polıtsıya qylmystyq ís qozǵaǵanymen, tuystarynyń aıtuynsha, ís ekí aıdan soń jabylyp qalǵan. Otbasyǵa būl turaly eshkím habarlamaǵan, olar ístíń toqtatylǵanyn ákesíníń AÍÍB-ǵa óz betímen barǵanynda bír-aq bílgen.
Tuystary ístíń ústírt tekserílgenín aıtyp, narazylyq bíldíríp jatyr.
Ata-ananyń klınıkaǵa shaǵymy
Otbasy stomatologıyaǵa sotqa deıíngí shaǵym joldaǵan. Aıtularynsha, operatsıyadan keıín bírneshe ret klınıkaǵa habarlasyp, balanyń jaǵdaıynyń nasharlaǵanyn aıtqan, bíraq qyzmetkerler «bárí qalypty» dep sendírgen.
Ata-anasy protsedurany júrgízgen dárígerge qońyrau shala almaǵan. Ol tek messendjer arqyly jazbasha jauap bergen.
Saraptama qorytyndysy dauly bolyp otyr
Sot-medıtsınalyq saraptama balanyń ólímíne mıdyń ísínuímen bírge damyǵan entsefalopatıya, ony tudyrǵan jedel JRVI jáne búırek jetkílíksízdígí sebep bolǵanyn kórsetken.
Tuystary būl tūjyrymmen kelíspeıdí:
-
operatsıya aldynda baladan alynǵan qan taldauy ORVI belgílerín rastamaǵanyn aıtady;
-
balada eshqandaı aurudyń belgísí bolmaǵan;
-
"basty sebep ūzaq narkozdan" dep otyr
Polıtsıyanyń jauaby
Almaty polıtsıya departamentí qazírgí tańda ístí jan-jaqty jáne obektıv tekseru úshín qosymsha tergeu sharalary júríp jatqanyn habarlady. Ís materıaldary saraptama úshín Qoǵamdyq densaulyq saqtau departamentíne jíberílgen.
Klınıka ne deıdí?
Klınıkanyń advokaty Elena Janatovanyń aıtuynsha, balany operatsıyaǵa aluǵa qarsy kórsetílím bolmaǵan.
"Jaǵdaıy tūraqty boldy, JRVI belgílerí anyqtalǵan joq. Bír jasqa deıíngí balalarda bír rette kóp tístí emdeu - álemdík tájírıbe", - deıdí ol.
Advokattyń aıtuynsha, barlyq kórsetkíshter protsedura barysynda tūraqty bolyp, operatsıyadan keıín bala esín jıǵan, anestezıolog tekseríp, úıíne jíbergen. Medıtsınalyq qūjattar túgel tergeu organdaryna tapsyrylǵan.
Eske salaıyq, būǵan deıín Astanada 18 tístí narkozben emdetken 3 jasar qyz oyanbaı, qaıtys bolǵan edí. Būl ís boıynsha qazír sot ótíp jatyr.
