Bul - alyp shahardyń bas polıseıiniń sózi.
Almaty qalasy Polısıa departamentiniń basshysy Qanat Danıaruly Taımerdenov Almaty telearnasyndaǵy AKIMAT LIVE baǵdarlamasynda qonaqta boldy, dep habarlaıdy Almaty-akshamy.kz.
Bas polıseı búginde servıstik polısıa uǵymynyń keńirek tanylyp kele jatqanyn atap ótip, QR Prezıdenti Qasym-Jomart Toqaevtyń Joldaýynda tujyrymdalǵan tártip saqshylarynyń atqarar róli men qyzmetine jan-jaqty toqtaldy.
«Polısıa halyqqa etene jaqyn bolýy kerek. Departament qyzmetkerleriniń áleýmettik jelide 500-ge tarta paraqshasy jumys isteıdi. Polısıa departamentiniń basshylyǵy men bólimderi qalalyq KSK-niń toptyq chattarynda tirkelgen. Nátıjesinde qala turǵyndarynyń ótinishteri edáýir azaıǵan», – dedi Qanat Taımerdenov.
«Eger buryndary kúnine 12-13 myń saýal qabyldasaq, al qazir 5-6 myńǵa deıin qysqarǵan. Biz Almaty ákimdigimen birge úsh jyldyq jospardy bekittik. Osy josparǵa sáıkes, qalalyq polısıa qyzmetkerlerine áleýmettik jaǵdaı jasaý qarastyrylǵan. Dálirek aıtsaq, Almaty qalasynyń ýchaskelik polısıa bólimsheleri úshin 29 úı satyp alý josparlanǵan. Bıyl toǵyz pýnkt ashýdy kózdep otyrmyz. Olar Jetisý, Túrksib, Naýryzbaı jáne Alataý aýdandarynda paıda bolady», – dedi spıker.