Mańǵystau oblysynda polıtseılerdí «qoqys» dep balaǵattap, vıdeony TikTok-ta jarıyalaǵan jasóspírímge sot úkím shyǵardy, dep habarlaıdy Aqshamnews.kz tílshísí Lada.kz-ke sílteme jasap.
Oqıǵa kámeletke tolmaǵan jasóspírím nómírsíz mototsıkl aıdap júrgen kezde bolǵan. Polıtseıler ony toqtatqan sátte jasóspírím qūqyq qorǵau qyzmetkerlerín balaǵattap, bárín telefonyna túsíríp, keıín áleumettík jelíge júktegen.
Memlekettík aıyptaushy jasóspírímdí 30 saǵat qoǵamdyq jūmysqa tartudy sūrady. Jábírlenushí-polıtseı būl talapty qoldady. Sotta jasóspírím kínásín tolyq moıyndap, keshírím sūrady, al qorǵaushysy jazaǵa jeńíldetu sūraǵan.
Sot onyń kínásí:
-
vıdeojazba,
-
ózíníń moıyndauy,
-
jábírlenushíníń aryzy,
-
psıhologıyalyq-fılologıyalyq jáne psıhıatrıyalyq saraptama qorytyndylary arqyly dáleldengenín atap óttí.
Jasóspírímníń kámeletke tolmaǵany, būryn sottalmaǵany jáne ókínísh bíldíruí jeńíldetetín mán-jaı retínde eskeríldí, al auyrlatatyn faktorlar anyqtalmady.
Nátıjesínde ol QR QK-níń 378-babynyń 2-bólígí («Bılík ókílín qorlau») boıynsha kínálí dep tanylyp, 30 saǵat qoǵamdyq jūmysqa míndetteldí.
