Petropavl qalasynda habarsyz ketken 75 jastaǵy áıel auruhana aumaǵynan auyr halde tabylyp, keıín jedel járdem kólígínde kóz jūmdy, - dep habarlaıdy aqshamnews.kz tílshísí Azattyq Rýhy-na sílteme jasap.
Zeınetkerdíń joǵalǵany turaly aqparatty 14 qańtar kúní LIDER volontyorler qozǵalysy áleumettík jelíde jarıyalaǵan. Málímetke sáıkes, áıel sol kúní túskí saǵat 13:00 shamasynda úıínen auruhanaǵa bet alyp, qaıta oralmaǵan.
Tuystary keshke polıtsıyaǵa aryz túsíríp, ízdeu jūmystary bastalǵan. Auruhana marqūmnyń úıínen bírneshe mınuttyq jerde ornalasqanyna qaramastan, ony sol túní tabu múmkín bolmady. Ūyaly telefony óshírulí bolǵan. Polıtseıler áıeldíń densaulyǵyna baılanysty baǵyt-baǵdaryn joǵaltuy yqtımal ekenín aıtypty.
Tengrinews.kz aqparynsha, Soltústík Qazaqstan oblystyq polıtsıya departamentí ízdeu jūmystaryna 60-tan astam adam jūmyldyrylǵanyn habarlaǵan. Alaıda, túngí uaqytta zeınetkerdí tabu múmkín bolmady.
«Qalalyq polıtsıya, departament qyzmetkerlerí, SOBR jauyngerlerí, Ūlttyq ūlan áskerı qyzmetshílerí jáne volontyorler ízdeuge qatysty. Aua raıynyń qolaısyzdyǵy jūmysty qıyndatty. Barlyq ábaruy múmkíná oryndar tekserílíp, beınebaqylau jazbalary qaraldy, alaıda túngí uaqytta áıeldíń qaıda ekení anyqtalmady», – dedí baspasóz hatshysy Ademau Meńdybaeva.
15 qańtar kúní tańerteń zeınetkerdí uchaskelík ınspektor auruhana aumaǵyndaǵy sharuashylyq korpus mańynan, adam sırek júretín aımaqtan tapqan.
«Áıel qatty tońyp, úsíp qalǵan. Sóılese almaıtyn jaǵdaıda boldy. Ony bírden jedel járdem brıgadasyna tapsyrdyq, bíraq dárígerler onyń ómírín saqtap qala almady», – dedí vedomstvo ókílí.
Qaıǵyly jaǵdaıǵa baılanysty qylmystyq ís qozǵalyp, tergeu bastaldy.
Aıta keteıík, qazír Petropavl men Soltústík Qazaqstan oblysynda úshínshí kún qatarynan qatty ayaz saqtalyp otyr. Aua temperaturasy mınus 35-38 gradusqa deıín tómendegen. Osyǵan baılanysty joldar jabylyp, oqushylar men studentter qashyqtan oquǵa kóshíríldí. Barlyq tótenshe qyzmetter kúsheıtílgen rejımde jūmys ístep jatyr.
Polıtsıya tūrǵyndarǵa egde jastaǵy, densaulyǵynda kínáraty bar tuystaryn baqylausyz syrtqa shyǵarmauǵa, olardyń qauípsízdígíne erekshe mán beruge shaqyrady.