Pavlodarda balalaryn terezeden ıterip jibergen áıeldiń isi sotqa joldandy, dep habarlaıdy Aqshamnews.kz tilshisi irbistv.kz-ke silteme jasap.
Qylmystyq is Pavlodar oblysynyń qylmystyq ister jónindegi mamandandyrylǵan mejraıondyq sotyna tústi. Sot isi memlekettik tilde jáne jabyq rejımde qaralady.
Eske salaıyq, qaıǵyly oqıǵa 2025 jyldyń 30 shildesinde Pavlodardaǵy Nurmagambetova kóshesinde bolǵan. Áıel kópqabatty úıdiń podezindegi terezeden jasy 1,5 jastaǵy jáne 7 jastaǵy eki ulyn ıterip jiberip, artynsha ózi de sekirgen.
Oqıǵadan keıin eki táýlik ótkende kenje bala kóz jumdy. Al aǵasyn dárigerler aman alyp qaldy. Eki aptadan soń ol aýrýhanadan shyǵarylyp, ákesimen birge aýylǵa qonys aýdarǵan. Áıel de tiri qalyp, tamyz aıynyń sońynda aýrýhanadan shyǵaryldy. Oǵan qatysty qylmystyq is qozǵaldy.
Qazan aıynyń ortasynda polısıa kúdikti áıeldiń Pavlodar oblystyq psıhıkalyq densaýlyq ortalyǵyna májbúrlep ornalastyrylǵanyn habarlaǵan bolatyn.