Qarjy monıtorıngí agenttígíníń Pavlodar oblysy boıynsha departamentí júktí áıelderdí jalǵan jūmysqa ornalastyru arqyly áleumettík tólemderdí zańsyz alu shemasyn ūıymdastyrǵan tūlǵalar tobyna qatysty tergeu júrgízíp jatyr., - dep habarlaıdy aqshamnews.kz tílshísí.
Tergeu málímetínshe, Zeınetaqy tóleu jóníndegí memlekettík ortalyq bólímíníń basshysy ózíníń kásíbı bílímí men lauazymdyq múmkíndíkterín paıdalana otyryp, jospardy íske asyru úshín buhgalter bolyp ísteıtín tuysyn tartqan. Buhgalter áleumettík tólemdermen jūmys ísteıtín kásípkerlerdíń bírqataryna qyzmet kórsetken jáne olardyń elektron tsıfrlyq qoltańbalaryna (ETsQ) qoljetímdí bolǵan.
Osy ETsQ-lardy ıeleríníń rūqsatynsyz paıdalana otyryp, ol júktí áıelderdí "jūmysqa qabyldau turaly" jalǵan būıryqtar men eńbek qatynastary zańdy rásímdelgendeı kórínetín ózge de qūjattardy daıyndaǵan.
Shemany keńeıtu úshín bírneshe tanys adamdar tartylyp, olardyń míndetí júktí áıelderdí tabu jáne ūsynylǵan rásímdeudíń "zańdy" ekeníne sendíru bolǵan. Jalǵan derekter negízínde uákílettí organdar járdemaqylar taǵaıyndaǵan, al alynǵan qarjy keıín shema qatysushylary arasynda bólíníp otyrǵan.
Tekseru qorytyndysy boıynsha:
-
13 jeke kásípkerdíń atynan
-
50-den astam júktí áıelge
-
zańsyz túrde 6 mln teńgege deıín ósírílgen járdemaqylar tólengení anyqtaldy.
Memleketke keltírílgen jalpy zalal 200 mln teńgeden asty.
Sot sanktsıyasymen kúdíktílerdíń 3 avtokólígíne tyıym salyndy. Tergeu jalǵasyp jatyr.
QR QPK-níń 201-babyna sáıkes ózge aqparat jarıya etílmeıdí.