Telegram-nyń negízín qalaushy Pavel Durov Qazaqstanda jasandy ıntellekt zerthanasyn ashty
Onyń aıtuynsha, bír jyl būryn Qazaqstanda alǵashqy óńírlík keńse ashylǵan. Qazír onyń nátıjeleríne óte rıza.
"Búgín arnaıy quanyshpen aıtarym – bíz Alem.ai ǵımaratynda jasandy ıntellektke arnalǵan arnaıy zerthana ashyp otyrmyz", - dedí ol.
Eń aldymen, Telegram men Qazaqstannyń Jasandy ıntellekt mınıstrlígí íske qosqan superkompyuterlík klasterdíń bírlesken jobasy júzege asyrylady.
"Būl tehnologıya mıllıardtan astam adamǵa jasandy ıntellekt funktsıyalaryn qūpıya túrde, ashyq árí tıímdí paıdalanuǵa múmkíndík beredí. Bíz Qazaqstandaǵy superkompyuterlík klaster osy jelíge alǵashqy írí esepteu quatyn jetkízushí bolady dep senemíz", - dedí Pavel Durov.
