2026 jylǵy 1 qańtardan bastap Qazaqstanda pasport, júrgizýshi kýáligi jáne birqatar resmı qujattardy rásimdeý baǵasy ósedi. Buǵan aılyq eseptik kórsetkishtiń (AEK/MRP) 3 932 teńgeden 4 325 teńgege deıin qymbattaýy sebep bolyp otyr. Bul kórsetkish 2026–2028 jyldarǵa arnalǵan respýblıkalyq búdjet týraly zańda bekitilgen, - dep habarlaıdy Aqshamnews.kz tilshisi.
Qandaı qujattar qymbattaıdy?
Jańa AEK-ke baılanysty memlekettik baj mólsherlemeleri tómendegideı bolady:
-
16 jasqa deıingi balalarǵa arnalǵan pasport (24 bet) – 4 AEK, ıaǵnı 17 300 teńge
(2025 jyly – 15 728 teńge) -
Kádimgi pasport (36 bet) – 8 AEK, ıaǵnı 34 600 teńge
(2025 jyly – 31 456 teńge) -
48 bettik pasport – 12 AEK, ıaǵnı 51 900 teńge
(2025 jyly – 47 184 teńge) -
Jeke kýálik – 0,2 AEK, ıaǵnı 865 teńge
(2025 jyly – 786 teńge)
Eger jeke kýálik bir jyl ishinde eki retten kóp joǵalsa, ony qaıta rásimdeý 1 AEK – 4 325 teńge turady.
Júrgizýshi kýáligin rásimdeý quny – 1,25 AEK, ıaǵnı 5 406 teńge bolady.
Neke qıý men ajyrasý quny
2026 jyldan bastap AHAT bólimderindegi keıbir qyzmetter de qymbattaıdy:
-
Neke qıý týraly kýálik – 1 AEK, ıaǵnı 4 325 teńge
-
Ajyrasý úshin memlekettik baj – 2 AEK, ıaǵnı 8 650 teńge
(2025 jyly – 7 864 teńge)
Osylaısha, ajyrasý quny neke qıýdan eki ese qymbat bolady.
Balanyń týý týraly alǵashqy kýáligi burynǵydaı tegin beriledi.
Alaıda kýálikti qaıta rásimdeý (mysaly, joǵaltqan jaǵdaıda) úshin 0,5 MRP tóleý kerek – bul 2 163 teńge.
Kimder memlekettik bajdan bosatylady?
Qujattardy rásimdeý kezinde birqatar azamattar sanattary memlekettik baj tóleýden bosatylady. Olar:
-
eldiń batyrlary men joǵary memlekettik nagradalar ıegerleri;
-
qurmetti ataǵy bar kópbalaly analar;
-
soǵys ardagerleri men urys qımyldaryna qatysýshylar;
-
múgedektigi bar adamdar jáne múgedek balany tárbıelep otyrǵan ata-analar;
-
áleýmettik mekemelerde turatyn qarttar;
-
jetim balalar jáne tolyq memlekettik qamqorlyqtaǵy balalar;
-
Chernobyl apatynan zardap shekkender.
2026–2028 jyldarǵa arnalǵan respýblıkalyq búdjet týraly zańǵa 8 jeltoqsanda Prezıdent Qasym-Jomart Toqaev qol qoıdy. Bul qujatta aldaǵy úsh jylda memleket qansha qarjy jınap, qalaı jumsaıtyny, sonyń ishinde áleýmettik tólemder men bazalyq kórsetkishterdiń mólsheri aıqyndalǵan.