Áleýmettik jelilerde, ásirese Threads-te "jar izdeımin", "tanysqym keledi" degen jarıalanymdardy jıi kezdestirýge bolady.
Bul týraly Aqshamnews.kz Astanatv.kz-ke silteme jasaı otyryp habarlaıdy.
Mundaı jazbalardyń artynda qarapaıym jeli qoldanýshylarynan tys alaıaqtar da bolýy múmkin.
Alaıaqtar kóbine ózderin tartymdy jigit nemese qyz retinde tanystyryp, hat almasýdy belsendi túrde júrgizip, adamǵa erekshe kóńil bólip, qysqa ýaqyt ishinde senimge kiredi. Ýaqyt óte kele áńgime qarjylaı kómek suraýǵa ulasýy múmkin. Alaıaqtyq sqema ádette bylaı órbıdi: belsendi qarym-qatynas ornatý jáne emosıalyq táýeldilik qalyptastyrý; ómirdegi qıyn jaǵdaılar, aýrý, shuǵyl shyǵyndar nemese tıimdi ınvestısıalar týraly áńgimeler; aqsha aýdarýdy, onyń ishinde qarajatty sheteldik krıptoámıandarǵa aýdarýdy nemese úshinshi tulǵalar arqyly jiberýdi suraý; qarajat alynǵannan keıin baılanys úzilip, jábirlenýshini buǵattaý. Eger ekrannyń arǵy jaǵyndaǵy adam sizden aqsha aýdarýdy surasa, beınebaılanystan jáne jeke kezdesýden qashsa, ınternettegi fotosýretterdi paıdalansa, saq bolǵan jón.
Alaıaqtardyń arbaýyna túsip qalmas úshin: ınternet arqyly tanysqan adamdarǵa aqsha jáne jeke derekterdi bermeý; jeke fotosýretterdi jibermeý; kúmándi siltemelerge ótpeý; suhbattasýshynyń profılin jáne ol týraly aqparatty tekserý; kúmán týyndaǵan jaǵdaıda jazbany toqtatý kerek. İshki ister mınıstrliginiń kıberqylmysqa qarsy is-qımyl departamenti azamattardy onlaın-tanysý kezinde saq bolýǵa jáne quqyqqa qaıshy áreketter týraly ýaqtyly polısıaǵa habarlaý qajet.