Ǵalamdyq deńgeıdegi metr, túrki áleminiń ańyz adamy Oljas Súleımenovtyń biz bile bermeıtin qyrlary men hobbıi jaıynda qyzyqty bes málimet.
Ústimizdegi jyldyń mamyr aıynda qazaqtyń ataqty aqyny Oljas Súleımenov 85 jasqa toldy. Osy mereı toıǵa oraı aqynnyń kóp halyq bile bermeıtin qyrlary belgili boldy, dep habarlaıdy Almaty-akshamy.kz.
• AZıa eńbegi úshin keńestik senzýra qursaýyna qatty túsken. Tipti atý jazasyna kesile jazdaǵan. Sol kezdegi Qazaqstannyń birinshi hatshysy D.Qonaev kitapty odaq basshysy L.Brejnevke oqytyp, aqyndy arashalap qalady.
• Ol kóshbasshysy bolǵan «Nevada-Semeı» qozǵalysy (1989 jyl) búkil dúnıejúzindegi 5 polıgonnyń jabylýyna yqpal etip, adamzat tarıhyndaǵy jappaı qyryp joıý qarýynan bas tartýǵa negiz boldy.
• Álemdik dárejedegi shaıyrdyń hobbıi – voleıbol. Qoǵam qaıratkeri «voleıbol – ıntellıgensıa oıyny» dep baǵalaıdy. Atalǵan sport túrinen óz komandasy bar jáne ózi sonyń kapıtany. Tipti qazirgi tańǵa deıin qumartýshylyǵy azaımaǵan. Voleıboldan dástúrli týrnır ótkizilip turady. Jarystyń júldesin ózi taǵaıyndaıdy.
• Oljas Omaruly 1977-1995 jyldar aralyǵynda Qazaqstan shahmatshylar qaýymdastyǵynyń tóraǵasy boldy. Shahmat onyń eń súıikti oıyny.
• Eń qyzyǵy onyń «1001 sóz» atty zertteýi áli kúnge jaryqqa shyqpaǵan. Bunyń jazylyp kele jatqanyna 40 jyldan astam ýaqyt ótken.