Shymkent qalasy, Abaı audany, Shymsıtı shaǵyn audanyndaǵy kópqabatty tūrǵyn úıdegí órtten 2 adamnyń ómírín arashalaǵan Rahymjan Erkínūly men Orynbasar Jetpísbaevtyń erlígí naǵyz jauapkershílíktíń úlgísí, – dep habarlaıdy aqshamnews.kz tílshísí.
Órt shyqqan páterde qyz bala bolyp, balkondaǵy jalyndy kóríp, shūǵyl syrtqa shyǵyp, aınaladaǵy adamdardan kómek sūrady. Sol sátte úıge jaqyn mańdaǵy mekteptegí saılau uchaskesínde kezekshílíkte tūrǵan №1 jáne №9 mamandandyrylǵan órt sóndíru bólímíníń qyzmetkerlerí, azamattyq qorǵau kíshí serjanttary Rahymjan Erkínūly jáne Orynbasar Jetpísbaev qyz balanyń dausyn estı sala oqıǵa ornyna jedel jettí.
Qalyń tútínge toly páterge kíru múmkíndík bolmaǵandyqtan R.Erkínūly O.Jetpísbaevtyń kómegímen 16-shy qabattan 15-shí qabatqa qauípsíz túrde túsíp, órt sóndírgísh qūraly kómegímen janyp jatqan úı zattaryn tıímdí túrde sóndírdí. Sol uaqytta O. Jetpísbaev 15-shí qabattaǵy kórshíles páterlerde barlau jūmystaryn júrgízíp, tútínge tolǵan páterlerden áıel kísí men qyz balany qauípsíz jerge shyǵarady.
Sol mezette qosymsha kúshter men qūraldar jetíp, qauípsízdíktí qamtamasyz etu boıynsha tıístí sharalardy oryndady.
Osylaısha, ekí qyzmetkerdíń batyl árí jedel áreketí, sondaı-aq qosymsha bólímshelerdíń kásíbı jūmysy arqasynda órttíń odan árí taraluyna jol berílmedí. Būl oqıǵa qūtqarushylardyń kásíbı daıyndyǵy men jauapkershílígíníń naqty kórínísí.
Adam ómíríne arasha bolǵan
