Óńírde qolǵa alynǵan ınfraqūrylymdyq jobalardy, barlyq nysannyń qūrylys sapasyn baqylau tapsyryldy, dep habarlaıdy aqshamnews.kz tílshísí.
QR Premer-mınıstríníń bírínshí orynbasary Nūrlybek Nálíbaev Aqtóbe oblysyna jūmys saparymen baryp, kólík ınfraqūrylymy, ónerkásíp, tūrǵyn úı-kommunaldyq sharuashylyq, tsıfrlandyru salalaryndaǵy jobalardy jáne áleumettík nysandar qūrylysymen tanysty.
Memleket basshysynyń qoldauymen júzege asyrylyp jatqan jobalar eń aldymen halyqtyń jaıly tūrmysyn, óńírdíń áleumettík-ekonomıkalyq órkendeuín kózdeıdí. Auqymdy jūmystardyń barlyq kezeńí, máselelerí Premer-mınıstrdíń tíkeleı baqylauynda.
Bıyl Aqtóbe oblysy arqyly ótetín respublıkalyq mańyzy bar avtomobıl joldarynyń 1122,5 shaqyrymynda qūrylys jáne jóndeu jūmystary qarqyn alǵan. Onyń 856 shaqyrymy qaıta salynyp, sanattary ózgermek, ekí kópír kúrdelí jóndeuden ótude.
Alǵashqy nysan – respublıkalyq mańyzy bar «Aqtóbe – Qarabūtaq – Ūlǵaısyn» avtomobıl joly. Jalpy ūzyndyǵy 262 shaqyrym, 7 merdíger 7 uchaskege bólíp saluda.
Jol jóndeushíler endí Memleket basshysy Qasym-Jomart Toqaevtyń kúní keshe resmı túrde bastap bergen «Qyzylorda – Sekseuíl», «Ūlǵaısyn – Sekseuíl» jáne «Beıneu – Sekseuíl» avtomobıl joldarynyń qūrylysyna kírísedí. Osy jerde asa auqymdy, strategıyalyq mańyzǵa ıe jobalar qūrylysyn uaqtyly ayaqtap, sapa talaptaryn saqtau eskertíldí.
«Memleket basshysy Qasym-Jomart Kemelūly Toqaev telekópír arqyly úsh írí avtojol jobasyn bastauǵa rūqsat berdí. Joldardy 2029 jylǵa deıín sapaly etíp ayaqtaudy míndettedí. Sondyqtan jūmysty úılesímdí ūıymdastyryp, tuyndaıtyn máselelerdí jedel sheshu qajet», — dedí Nūrlybek Nálíbaev.
Sapar barysynda «Embí – Shalqar», «Qandyaǵash – Shalqar», T.Júrgenov auyly arqyly Qostanaı baǵytyna shyǵatyn joldardaǵy, «Álímbet» ótkízu punktíndegí jūmys aǵymy turaly málímet beríldí.
Memleket basshysynyń bastamasymen qolǵa alynǵan elímízdegí 124 temírjol vokzalyn jańǵyrtu baǵdarlamasyna Aqtóbe óńíríndegí 7 vokzal engen.
Aqtóbe temírjol vokzalynyń qūrylys qarqynyn baǵamdau kezínde jauaptylarǵa sapa men merzímdí qatań saqtau, aınaladaǵy aumaqty keshendí túrde retke keltíru, abattandyru, ǵımarattardyń syrtqy kelbetín bírízdendíru jónínde tıístí tapsyrmalar beríldí.
Jūmys saparynyń ekínshí kúnínde Memleket basshysynyń tapsyrmalaryn oryndau, óńírdíń áleumettík-ekonomıkalyq damuy, ınvestıtsıya tartu, ónerkásíptí damytu máselelerí talqylanǵan jıyn óttí. Onda Aqtóbe oblysynyń áleumettík-ekonomıkalyq damuyn jańa deńgeıge kóteru múmkíndíkterí talqylandy. Investıtsıyalyq jobalardy uaqtyly íske qosu, «Aqtóbe» arnaıy ekonomıkalyq aımaǵyna jańa óndíríster tartu, auyl sharuashylyǵyn qarjylandyru jáne tehnıkalyq jańǵyrtu boıynsha naqty míndetter qoıyldy.
Árí qaraı «109» Ahualdyq ortalyǵynda memlekettík aqparattyq júıelermen yqpaldastyrylǵan tsıfrlyq platforma, «TŪK «Qazhrom» AQ Aqtóbe ferroqorytpa zauytynda óndírístíń damu jospary tanystyryldy.
Sapar ayasynda «Aqtóbe JEO» AQ-nyń aldaǵy jylu mausymyna daıyndyǵy da qaraldy. Jauapty tūlǵalarǵa jóndeu jūmystaryn uaqytynda ayaqtap, jylu beru mausymyn tūraqty ótkízu tapsyryldy. Jospar boıynsha daıyndyq qyrkúıekte ayaqtaluy tıís.
Aqtóbedegí «Qonys» sport saraıynyń janynan jańa demalys sayabaǵy salynuda. Aumaǵy 1,6 gektar, seruendeu jáne júgíru jolaqtary, balalar jáne sport alańdary, amfıteatr, demalys aımaqtary qarastyrylǵan. Qazírgí tańda nysannyń qūrylysy ayaqtaluǵa jaqyn. Mūndaı qoǵamdyq keńístíkter «Taza Qazaqstan» ekologıyalyq aktsıyasynyń maqsattaryna saı keledí.
Sapar sońynda Altyn Orda shaǵyn audanyndaǵy ekonomıkalyq-ískerlík aumaqta júzege asyrylatyn jobalar, muzykalyq drama teatr, 35 myń kórermenge arnalǵan jańa futbol stadıonynyń qūrylysy tanystyryldy. Óńírde qolǵa alynǵan ınfraqūrylymdyq jobalardy, barlyq nysannyń qūrylys sapasyn baqylau tapsyryldy.
Ónerkásíptík jáne ınfraqūrylymdyq áleuetí joǵary aımaqtaǵy qaı jobanyń da sapaly oryndalyp, uaqtyly el ıgílígíne beríluí óte mańyzdy.
