Nepal prezıdenti Ram Chandra Paýdel 73 jastaǵy Karkıdi osy qyzmetke bekitip, ol juma kúni, 12 qyrkúıekte ant qabyldady.
Karkı Nepal úkimetin basqarǵan tarıhtaǵy alǵashqy áıel atandy, - dep habarlaıdy Aqshamnews.kz.
Onyń kandıdatýrasyn narazylyq aksıasynyń kóshbasshylary usynǵan. Ol 2026 jyldyń naýryz aıynda ótýi yqtımal kelesi saılaýǵa deıin Nepal kabınetin basqarady.
dpa agenttiginiń málimetinshe, Karkı elde sybaılas jemqorlyqqa qarsy kúresimen belgili.
Nepal úkimeti 9 qyrkúıekte jappaı narazylyqtarǵa jáne adam shyǵynyna ákelgen áleýmettik jelilerge salynǵan tyıymdy alyp tastady.
Daǵdarys ýshyqqan tusta premer-mınıstr Sharma Olı, ishki ister mınıstri jáne taǵy eki mınıstr otstavkaǵa ketti.
20-dan astam áleýmettik jelini, sonyń ishinde Facebook, Instagram jáne YouTube-ty qamtyǵan tyıym Nepalda olardyń jańa talapqa – memlekettik qadaǵalaýǵa tirkelý jáne baǵyný erejesin oryndamaǵany úshin engizilgen edi.
Blokadalardyń alynǵanyna qaramastan, sherýler toqtaǵan joq: olardyń qatysýshylary, negizinen jastar, eldegi sybaılas jemqorlyq pen bıliktiń jalpy saıasatyna qarsy shyqty. Aqparat agenttikteriniń habarlaýynsha, myńdaǵan demonstranttar jetekshi partıalardyń keńselerin jáne keıbir saıasatkerlerdiń úılerin qıratty ári órtedi. Narazylar "Nepal kongresi" partıasynyń keńsesin jáne birneshe polısıa bólimshesin otqa qoıǵan. Nepaldaǵy jappaı narazylyqtar "Z býynynyń demonstrasıalary" dep atalyp júr.
Polısıamen qaqtyǵys saldarynan keminde 51 adam qaza taýyp, 1300-den astamy jaraqat aldy.