Almatyda Nauryz merekesíne oraı ūıymdastyrylǵan auqymdy «Nauryz Sale» merekelík nauqany jalǵasyp jatyr, – dep habarlaıdy aqshamnews.kz tílshísí.
2026 jyly 13-23 nauryz aralyǵynda qala tūrǵyndary men qonaqtary megapolıstíń írí sauda-oıyn-sauyq ortalyqtarynda azyq-túlík pen túrlí tauarlardy 10-30% jeńíldíkpen satyp ala alady.
Bastama qazaqstandyq óndírushílerdí qoldau, íshkí saudany damytu jáne mereke kúnderí qalada erekshe kóńíl kúı qalyptastyruǵa baǵyttalǵan respublıkalyq aktsıya ayasynda ūıymdastyrylyp jatyr.
Nauqanǵa qalanyń bírqatar sauda ortalyqtary qosyldy. Atap aıtsaq, Forum Almaty, Globus, Mega Park, Aport East, Almaty Mall, Dostyk Plaza, Moskva, Mart, Sputnik Mall jáne Maxima. Aktsıyanyń alǵashqy kúnderínde-aq kelushíler sany aıtarlyqtaı artqan. Būl «Nauryz Sale» aktsıyasyna almatylyqtar men qala qonaqtarynyń qyzyǵushylyǵy joǵary ekenín kórsetedí.
Ūıymdastyrushylar men tūrǵyndardyń aıtuynsha, mūndaı bastamalardyń qala ómírí úshín mańyzy zor. Aktsıya tıímdí sauda jasauǵa múmkíndík beríp qana qoımaı, Nauryz merekesíníń erekshe atmosferasyn sezínuge jol ashady. Sauda ortalyqtary mereke kúnderí otbasylyq demalys ornyna aınalyp, tūrǵyndar ūlttyq dástúrlermen tanysyp, merekeníń erekshe ruhyn sezíne alady.
Sondaı-aq, kelushílerge jeńíldíktermen qatar, merekelík mádenı-oıyn-sauyq baǵdarlamalary da ázírlengen. Qonaqtardy taqyryptyq jármeńkeler, kontsertter, ūlttyq naqyshtaǵy fotoaımaqtar, ınteraktıvtí alańdar, sheberlík sabaqtary jáne balalar men eresekterge arnalǵan oıyndar kútedí. Negízgí mádenı baǵdarlama 20-23 nauryz aralyǵynda ótedí, degenmen merekelík kóńíl kúı qazírdíń ózínde qaladaǵy sauda ortalyqtarynda sezíle bastady.
*Sauda oıyn-sauyq otalyqtaryndaǵy merekelík baǵdarlamalar:*
*FORUM SOO*
2026 jylǵy 22 nauryzda Forum sauda ortalyǵynda arnaıy merekelík baǵdarlama ūıymdastyrylady. Kelushíler ūlttyq «Altybaqan», batyrlar keıpíndegí anımatorlardy kóríp, bauyrsaqtan dám tatady, ūlttyq taǵamdar ūsynylatyn kóshelík jármeńke, kontserttík baǵdarlama jáne syılyqtar ūtysyna kuá bolady.
Sonymen qatar, kıíz úı úlgísíndegí taqyryptyq fotoaımaq, balalar men eresekterge arnalǵan ūlttyq oıyndar, qysh jasau boıynsha sheberdíń sabaqtary, ūlttyq aspaptarda óner kórsetetín live band kontsertí jáne balalar muzykalyq ūjymdarynyń qoıylymdary ótedí.
Sauda ortalyǵynyń bírínshí qabatynda (Galmart aımaǵynda) ūlttyq tauarlar jármeńkesí ūıymdastyrylady.
Būdan bólek, 21-24 nauryz aralyǵynda Forum aumaǵynda «Qazaqstannyń SOS Balalar auyldary» qorynyń qatysuymen «Nómír boıynsha kartına» atty qaıyrymdylyq aktsıyasy ótedí. Qonaqtar ortaq kartınany boyauǵa qatysyp, qaıyrymdylyq bastamany qoldaı alady.
*Maxima SOO*
2026 jyly 22 nauryzda Maxima qonaqtary batyrlar qatysatyn merekelík shou-baǵdarlama men ūlttyq ansambldíń ónerín kóríp, sauda keshenín jalǵa alushylar ūsynatyn bauyrsaqtan dám tatady.
*Aport West SOK*
21 nauryz kúní saǵat 15:00-16:00 aralyǵynda Aport West aumaǵynda qazaqstandyq estrada jūldyzdary Búrkít pen Aısha kontsert qoyady.
Merekelík baǵdarlama barysynda qonaqtar bauyrsaq pen Nauryz kójeden dám tatady. Sonymen qatar shyǵarmashylyq ūjymdardyń bı qoıylymdary, Qazaqstan halyqtarynyń bılerí, túrlí sheberdíń sabaqtary, anımatorlar ūıymdastyratyn oıyn-sauyq baǵdarlamalary jáne ūlttyq sport túrleríne arnalǵan oıyndar ótedí.
Sauda kesheníndegí dúkenderde arnaıy jeńíldíkter jarıyalanyp, baǵaly syılyqtar men sertıfıkattar ūtysy ūıymdastyrylady.
*MART SOO*
MART sauda ortalyǵynda ūlttyq kıím kıgen anımatorlar men qazaqtyń dástúrlí áuenderí shyrqalyp tūratyn merekelík arba júredí. Arba ár 5-10 mınut saıyn toqtap, kelushílerdí ūlttyq oıyndarǵa shaqyryp, túrlí syılyqtar taratady.
Ūıymdastyrushylardyń aıtuynsha, «Nauryz Sale» aktsıyasy kóktem mezgílíndegí qala tūrǵyndary asyǵa kútetín bastamalardyń bíríne aınaldy. Būl joba halyqtyq mereke ruhyn, mádenı dástúrdí jáne zamanauı demalys formatyn bíríktíríp, almatylyqtarǵa otbasymen bírge uaqyt ótkízuge, kontsertter men oıyn-sauyq baǵdarlamalaryn tamashalauǵa árí tıímdí sauda jasauǵa múmkíndík beredí.
Nauryzǵa arnalǵan merekelík jeńíldíkter: Almatyda «Nauryz Sale» nauqany ótíp jatyr
