Almatynyń Nauryzbaı audanyna jańadan qosylǵan «Qūramys» shaǵynaudanynyń halqy parazıtke toly su íshíp otyrmyz dep shaǵymdandy. Eldí mekende auyz su máselesí rasymen de problemaǵa aınalǵan.
«Evrazıya» telearnasynyń habarlauynsha, audan ákímdígí qūbyr tartu jūmysyn bastap, ayaqtamaı ketken eken.
«Bízdíń kóshe osy audandaǵy eń jaqsy kóshe sanalady. Ózímíz aqsha jınap, asfalt tósetíp, su tartqyzyp alǵanbyz. Búkíl ınfraqūrylymdy ózímíz tarttyq. Qalaǵa qosylǵannan keıín órkenıet keldí: káríz qūbyryn qosty, qaladan su keldí. Bíz alǵashynda qatty quandyq. Problemaǵa 1,5 jyl boıy shydammen qaradyq. Alaıda, bılík būl máselení sheshpeıtín sekíldí», – deıdí jergílíktí tūrǵyn Ekaterına Hıshanlo.
Onyń aıtuynsha, qazír shaǵynaudanda tek aǵyndy su bar. Bíraq ony fıltrmen tazalaǵan kúnníń ózínde íshuge jaramsyz kórínedí. Sondyqtan halyq dúkennen su satyp alyp íshíp otyr. Mūnda káríz júıesí de kúrdelí problemaǵa aınalyp keledí. Ol tartylǵanmen, álí qosylmaǵan. Dese de, qyrda tūratyn tūrǵyndar oǵan óz erkímen qosylyp alyp, nájístíń bárín tómenge qaraı aǵyzyp jatyr. Las su káríz shahtasyna jınalyp qalǵan. Halyqtyń mūńyn tyńdaǵan jergílíktí bılík «aqsha jınap, qalǵan jūmysty ózderíń bítíríp alyńdar» degen kórínedí. Tūrǵyndar: «Qazír qūbyrlardy óz kúshímízben tartyp jatyrmyz», – deıdí.
Al ákímdíktegíler bolsa auyz su máselesín sheshu úshín Qarǵaly ózenínde fıltrleu stantsıyasyn salyp jatqanyn aıtty. Su tartu jūmystary tegín júrgízílgenímen, halyq káríz qūbyryna óz qarajatymen qosyluǵa tıís eken.
