21-22 nauryz kúnderí Almatydaǵy Arbat alańynda Nauryz meıramyna oraı jyl saıynǵy «KitapFest-2026» kítap festıvalí ótedí. Ekí kúnge sozylatyn būl mádenı ís-shara dástúr men zamanauı tehnologıyany ūshtastyryp, qala tūrǵyndary men qonaqtaryna erekshe ruhanı keńístík ūsynady, – dep habarlaıdy aqshamnews.kz tílshísí.
Festıval ayasynda 40-tan astam baspanyń ónímderí ūsynylady. Kelushíler jańa kítaptarmen tanysyp, olardy qoljetímdí baǵamen satyp ala alady.
Baǵdarlamada belgílí aqyn-jazushylarmen kezdesuler, ashyq píkírtalastar men erkín formattaǵy sūhbat alańdary qarastyrylǵan. Sonymen qatar, ūlttyq qolóner boıynsha sheberdíń sabaqtary ūıymdastyrylyp, qatysushylar dástúrlí ónerdíń qyr-syryn meńgere alady.
Festıvaldíń basty jańalyqtarynyń bírí — «Smart Yurt» ınteraktıvtí alańy. Mūnda sırek kítaptar kórmesí ūsynylyp, kítap qoryn tsıfrlandyru úderísí tanystyrylyp, zamanauı tehnologıyanyń múmkíndíkterí kórsetíledí. Sondaı-aq, kelushíler VR-kózíldírík arqyly vırtualdy sayahat jasap, AI-fotobudkada erekshe estelík suretke túse alady.
Festıval barysynda Almaty kítaphanalarynyń mobıldí qosymshasy tanystyrylyp, qaladaǵy ózíne-ózí qyzmet kórsetuge arnalǵan avtonomdy stantsıyalar ūsynylady.
Festıvaldíń merekelík atmosferasyn kontserttík baǵdarlama tolyqtyrady. Dombyra úní men ásem ánder árbír qonaqqa kóńíl kúıín syılap, erekshe áser qaldyrady.
Ótetín orny men uaqyty:
Almaty qalasy, Arbat alańy
21-22 nauryz 2026 jyl, saǵat 10:00–18:00