Almatyda Nauryznama onkúndígí ayasynda jarqyn árí mazmūndy Ūlttyq sport kúní óttí. Tūńǵysh Prezıdent sayabaǵynda merekelík jarys ūıymdastyrylyp, qala tūrǵyndary men qonaqtar dástúrlí oıyndar men saıysqa qatysty, – dep habarlaıdy aqshamnews.kz tílshísí.
Bıylǵy turnırge 1000-nan astam adam qatysty. Ūlttyq sporttyń bírneshe túrínen jarys óttí, olardyń qatarynda asyq atu, láńgí tebu, qoshqar kóteru, arqan tartu men basqa oıyndar da bar.
Qatysushylar komanda bolyp jáne jekeleı baq synasty.
Bostandyq audany mádenıet jáne tílderdí damytu bólímíníń bas mamany Tórejan Ótegenovtíń aıtuynsha, ís-sharanyń basty maqsaty — ūlttyq dástúrdí saqtau men nasıhattau eken:
«Qazírgí tańda audanymyzda Nauryznama onkúndígíne oraı ūlttyq sport túrínen jarys ótíp jatyr. Jalpy sany 1000-nan astam adam tírkeldí oǵan. Basty maqsatymyz — ūlttyq sportty damytu mennasıhattau, jas ūrpaqqa dástúrlí oıyndardy tanystyru».
Ís-sharaǵa Maqan Esbolatov atyndaǵy Almaty akademıyasynyń kursanttary da belsene qatysty. Dene shynyqtyru kafedrasy bastyǵynyń orynbasary Bekjan Teltaev mūndaı bastamanyń jastardy tárbıeleuge kóp paıdasy tıetínín aıtady:
«Akademıyadan 71 kursant qatysyp jatyr. Barlyǵy jarysqa ózderí qosyldy. Bíz kursanttardyń arasynda ūlttyq sport túrín barynsha nasıhattaudy qolǵa aldyq. Jastar osy zamanǵy oıyndy ǵana tańdamaı, ūlttyq sportpen de aınalysuy tıís».
Ásírese arqan tartu kórermenderdí erekshe elíttí. Jeńímpaz atanǵan — Respublıkalyq sport kolledjíníń studentter komandasy.
Komanda múshesí Ūldana Tíleuhan bylaı deıdíí:
«Búgíngí jarys joǵary deńgeıde ótíp, bárí keremet boldy. Komandamyz bírínshí oryn aldy, ūıymdastyrushylarǵa erekshe alǵys aıtamyz. Bíz alǵash ret qatyssaq ta, jaqsy kózge tústík osy joly. Aldaǵy uaqytta da osyndaı jarystarǵa qatysuǵa daıynbyz».
Merekelík ís-sharalar 23 nauryzǵa deıín jalǵasady.
Ūıymdastyrushylar barsha tūrǵyndar men qala qonaqtaryn Nauryz merekesíne qatysyp, auqymdy mádenı sharaǵa atsalysuǵa shaqyrady. Qonaqtar jarystan bólek, eń úlken syrmaq pen shańyraqtyń kórmesí sıyaqty erekshe etnomádenı ekspozıtsıyalardy da tamashalaıdy.