Jyl saıyn qańtarda "Kreshenıe" meıramynda musylmandarǵa sýǵa túsýge bola ma? QMDB ókilderi túsindirdi, dep habarlaıdy aqshamnews.kz
"Tipti sol sýǵa túsken adam tazarady jáne kúnási keshiriledi deıdi. Bizge de osy másele boıynsha kóptegen suraq keledi. Musylman adamnyń osyndaı rásimge qatysýyna bola ma dep surap jatady. Musylmandar qaı zamanda bolsyn basqa din ókilderine erekshe qurmetpen qaraǵan jáne olardyń dinı rásimderin, qulshylyqtaryn oryndaýyna eshqandaı kedergi jasamaǵan. Islam dini basqa dinge, ultqa qurmetpen qaraýǵa buıyrady. Biraq bul musylmandardyń olardyń da dinı rásimge qatysýǵa bolady, solarmen qosylyp qulshylyqty atqarýǵa ruqsat etildi degen maǵynany bildirmeıdi. Paıǵambarymyz “kimde kim qaı qaýymǵa uqsasa, ol sol qaýymnan” degen sózi bar. Sondyqtan musylman adamnyń ondaı is sharalarǵa qatyspaǵany durys", – deıdi QMDB ókilderi.
Basqarma mamandary densaýlyǵyn jaqsartý nıetimen sýǵa túskisi keletinderge basqa kúndi tańdaǵan abzal deıdi.
"Keıbir adamdar “bul dinı rásimge eshqandaı qatysym joq, men bul jerge tek densaýlyǵymdy jaqsartý nıetimmen baramyn” deıdi. Árıne ıslam dini árbir adamǵa densaýlyǵyna qaraýǵa jáne emdelýdi buıyrady. Biraq mundaı sharaǵa dál osy kúni emes, basqa kúni barǵany durys", – deıdi.