"Zaýyttyń ózinde qant 350 teńge turady".
Aýyl sharýashylyǵy mınıstri Aıdarbek Saparov qanttyń baǵasyna baqylaýda ustaýǵa ýáde berip, alypsatarlarǵa eskertý jasady, dep habarlaıdy aqshamnews.kz
Byltyr Qazaqstanda qant qyzylshasynyń rekordtyq kólemi jınalǵan bolatyn. Sonyń arqasynda qant óndirý kólemi ósti.
"Bıyl biz 128 myń tonna qant óndirdik. Qazir 30-40 prosenti satylǵan shyǵar. Al qalǵany qoımalarda jatyr, bárine jetedi. Degenmen baǵany baqylap otyrý kerek. Osy jaıynda saýda mınıstrimen de sóılestik. Búginde jumys toby bar. Baǵany baqylaýda ustaıtyn bolamyz", - dedi Saparov.
Onyń aıtýynsha, baǵany alypsatarlar kóteredi. Al zaýyttyń ózinen qanttyń bir kelisi 350-380 teńgege satylady.
"Mende statısıka bar. Oǵan sáıkes, dúkenderde qant 400-420 teńgeden satylady. Bul – respýblıka boıynsha ortasha baǵanyń kórsetkishi. Biz qanttyń baǵasyn taǵy qaraımyz. Shekti baǵa bar, oǵan qosylatyn ústeme bar. Onyń mólsheri 15 prosentten aspaýy qajet. Odan asyp ketse, saýda oryndaryna aıyppul salatyn bolamyz", - dedi mınıstr.