Búgín Almatyda Djekı Channyń qatysuymen túsíríletín «Qūdaıdyń sauyty: Ultımatum» fılmíne arnalǵan baspasóz konferentsıyasy óttí. Kaspi.kz kartına túsírílímíníń bas seríktesí boldy, – dep habarlaıdy aqshamnews.kz tílshísí.
Baspasóz konferentsıyasy barysynda Kaspi.kz-tíń basshysy árí teń qūryltaıshysy Mıhaıl Lomtadze Djekı Chanǵa Kaspi Gold tabystady.
Mıhaıl Lomtadze, Kaspi.kz basshysy árí negízín qalaushylardyń bírí:
«Djekı Chandy Qazaqstanda qarsy alyp, onyń jańa fılmíníń túsírílímíne qoldau kórsetu bíz úshín úlken quanysh. Būl joba elímízge álemníń nazaryn audaryp, Qazaqstandy jańa qyrynan kórsetuge múmkíndík beredí.
Djekı Qazaqstanmen būrynnan tanys. Bíraq bíz onyń elímízdíń kúndelíktí tynys-tírshílígín tolyq sezínuí úshín míndettí túrde Kaspi Gold qajet dep sheshtík. Ol arqyly Djekı zamanauı Qazaqstannyń ómírímen jaqynyraq tanysyp, túsírílím kezínde óz úıíndeı jaıly sezíne alady.
Osy auqymdy jobanyń bír bólígí boluǵa múmkíndík bergení úshín Sálem Entertainment pen Adal Investments kompanıyalaryna alǵysymyzdy bíldíremíz. Djekı Chanǵa jáne fılmníń búkíl shyǵarmashylyq tobyna sáttí túsírílím, zor shabyt jáne Qazaqstannan ūmytylmas áser tíleımíz».
Djekı Chan, akter, rejısser jáne prodyuser:
«Osy jerde bolǵanyma, Qazaqstanǵa qaıta oralǵanyma óte quanyshtymyn. Eń aldymen Kaspi.kz jáne Sálem Entertainment-ke, rejısserge jáne osy jobanyń júzege asuyna ayanbaı eńbek síńírgen barsha jandarǵa shyn júrekten alǵysymdy bíldíremín.
Fılmníń túsírílímín bastaudy asyǵa kútíp júrmín. Fılm bastalǵanda úlken synaq ekenín bílemín, bíraq sonymen bírge būl erekshe shabyt syılaıtyn, zor quanysh ákeletín jūmys.Barshańyzdy jaqsy kóremín. Raqmet!»
«Qūdaıdyń sauyty» – álemníń túkpír-túkpíríndegí bírneshe buyn kórermenníń súıíspenshílígíne ıe bolǵan kulttík shytyrman oqıǵaly franshıza. «Qūdaıdyń sauyty: Ultımatum» jańa fılmí Djekı Chan somdaǵan áıgílí keıípkerdíń hıkayasyn jalǵastyrady.
Fılmníń túsírílímí Mańǵystau jáne Almaty oblystarynda ótude. Būl tabıǵı kórkem oryndardy Djekı Chan 2025 jyldyń sońynda Qazaqstanǵa jasaǵan sapary kezínde ózí tańdaǵan.
Jobanyń bastamashylary – Sálem Entertainment jáne Adal Investments. Fılmníń tūsaukeserí 2027 jyldyń aqpan aıyna josparlanǵan.