Jańa týǵan qyzyna ChatGPT chat-botynyń qurmetine "Chat Iıpıtı Bastıdas Gerra" dep at qoıǵan otbasy muny "jańa tehnologıalar men jasandy ıntellekt dáýirine qurmet" dep túsindiredi, dep habarlaıdy aqshamnews.kz
Ulttyq AHAT organy mundaı erekshe esimdi esh qarsylyqsyz tirkegen. Álem jurtshylyǵyn eleń etkizgen jaıt Kolýmbıanyń kishi Serete qalasynda tirkelgen.
Kordova departamentine qarasty kishi Serete qalasyndaǵy kolýmbıalyq otbasynyń bul sheshimi jergilikti BAQ-tan bólek, jer-jahannyń túkpir-túkpirine tez taralyp, qoǵamda pikirtalas týdyrǵan.
Kóptegen qoldanýshy bul esimniń bolashaqta balaǵa aýyr bolatynyn, qıyndyq týdyrýy múmkin ekenin aıtqan.
Endi biri ata-ananyń sheshimin quptap, shynynda erekshe esim ekenin qoshtaǵan.
Aıta keteıik, Kolýmbıa zańy belgili bir esimderge tyıym salmasa da, Ulttyq reestr qyzmetkerleri tańdalǵan esim qorlaý nemese balanyń bedeline nuqsan keltirýi yqtımal dep eseptese, tirkeýden bas tartýǵa quqyly sanalady.