Memleket basshysy san qyrly qazaq-amerıka seríktestígí qarqyndy damyp kele jatqanyna toqtaldy, dep habarlaıdy aqshamnews.kz tílshísí.
Prezıdent Qasym-Jomart Toqaev AQSh Ókílder palatasynyń Byudjet jáne salyq jóníndegí komıtetíníń tóraǵasy Djeıson Smıtpen, sondaı-aq Kongress múshelerí Greg Merfımen, Kerol Mıllermen, Ronnı Djeksonmen, Ueslı Bellmen jáne Edvard Keıspen kezdestí.
Memleket basshysy meımandarǵa íltıpat bíldíríp, olardyń bír palataly Qūryltaı saılauymen tūspa-tūs ótíp jatqan saparynyń sımvoldyq máníne nazar audardy.
Qazaqstan Prezıdentíníń aıtuynsha, parlament saılauy elímízdegí sayası jańǵyrudyń jańa kezeńí bastalǵanyn aıshyqtaıtyn tarıhı uaqıǵa boldy. Bír palataly Qūryltaı zań shyǵaru úderísíníń tıímdílígí men zańdardyń sapasyn arttyrady.
Memleket basshysy parlamenttík dıplomatıya jańa organnyń qyzmetíndegí mańyzdy baǵyt bolatynyn atap óttí.
– AQSh Kongresí men Qūryltaı múshelerí arasyndaǵy konstruktıvtí árí mazmūndy dıalog ózara túsínístíktí tereńdetíp, ortaq basymdyqtardy ílgeríletu jáne qazaq-amerıka seríktestígín nyǵaıtu tūrǵysynan aıryqsha mánge ıe, – dedí Prezıdent.
Qasym-Jomart Toqaev amerıkalyq delegatsıyaǵa elímízde júrgízílíp jatqan auqymdy sayası, áleumettík-ekonomıkalyq reformalar, sondaı-aq ádílettí, ozyq memleket qūrudy kózdeıtín strategıyalyq baǵdarymyzdy íske asyru ayasynda basqaru júıesín jańǵyrtudyń basymdyqtary jónínde málímet berdí.
Būdan bólek, Prezıdent Kongress múshelerín elímízdíń jalpyhalyqtyq qoldauǵa ıe bolǵan jańa Konstıtutsıyasyndaǵy negízgí aspektílermen tanystyrdy.
Sonymen qatar Memleket basshysy san qyrly qazaq-amerıka seríktestígí sauda-ekonomıkalyq jáne ınvestıtsıyalyq yqpaldastyq, ozyq tehnologıyalar, ǵylym, bílím jáne mádenıet salalaryndaǵy yntymaqtastyqqa basa mán bere otyryp, qarqyndy damyp kele jatqanyna toqtaldy.
Memleket basshysy Prezıdent Donald Tramppen konstruktıvtí árí senímdí dıalogtyń arqasynda ekí eldíń qarym-qatynasy būryn-sońdy bolmaǵan deńgeıge kóterílgenín aıtty. Kópjaqty formatta da jemístí yntymaqtastyq ornady. Mūnyń aıqyn dálelí – Qazaqstan Amerıkanyń jahandyq jáne óńírlík tūraqtylyqty nyǵaıtu bastamalaryna, sonyń íshínde Beıbítshílík keńesí men Ibrahım kelísímderíne qoldau bíldírdí. Būl rette Prezıdent Qazaqstan men AQSh yadrolyq qauípsízdíktí nyǵaıtu jáne jappaı qyryp-joyu qaruyn taratpau ísínde de mańyzdy ról atqaratynyna nazar audardy.
Óz kezegínde amerıkalyq delegatsıyany bastap kelgen kongressmen Djeıson Smıt arnaıy qabyldaǵany úshín Qasym-Jomart Toqaevqa alǵys aıtyp, AQSh Prezıdentíníń sálemín jetkízdí.
– Búgín túngí ekíde maǵan Prezıdent Donald Tramp qońyrau shaldy. Men oǵan bírneshe saǵattan soń Sízben kezdesetínímdí aıttym. Ol Sízge ízgí tílegín joldap, aralaryńyzda qalyptasqan senímdí árí konstruktıvtí qarym-qatynasqa rızashylyǵyn bíldírdí. Sonymen qatar Prezıdent Sízdí G20 sammıtíne qatysu úshín Maıamıde kútetínín aıtty. Bízdíń saparymyzdyń bír maqsaty – Amerıka Qūrama Shtattary men Qazaqstan arasyndaǵy ekonomıkalyq baılanystardy odan árí keńeıtu múmkíndíkterín zerdeleu. Bíz ekíjaqty yntymaqtastyqty nyǵaıtu jolynda mazmūndy dıalog órbítuge beıílmíz. Prezıdentímíz būǵan aıryqsha mańyz artyp otyr, – dedí Djeıson Smıt.
Kezdesu sońynda Memleket basshysy Maıamıge josparlanǵan aldaǵy sapary Qazaqstan men AQSh arasyndaǵy keńeıtílgen strategıyalyq seríktestíkke tyń serpín beretíníne sením bíldírdí.
