Qostanaıda "mektepte bomba bar" degen jalǵan habar taratqan oqushy anyqtaldy, dep habarlaıdy Aqshamnews.kz tílshísí Polisia.kz-ke sílteme jasap.
Polıtsıyaǵa belgísíz adam qala mektepteríníń bíríne jarylǵysh zat qoıylǵany turaly habar bergen. Qońyraudan keıín baılanys bírden úzílgen. Oqıǵa ornyna dereu polıtseıler, jarylǵysh zattardy zalalsyzdandyru qyzmetí, órt sóndírushíler jáne medıtsına qyzmetkerlerí jetíp, mektep oqushylary men qyzmetkerlerí shūǵyl evakuatsıyalandy.
Ǵımarat pen aumaqty tolyq tekseru barysynda eshqandaı qauíptí zat tabylǵan joq. Tekseru nátıjesínde jalǵan habardy basqa mekteptíń 7-synyp oqushysy jasaǵany anyqtaldy. Ol synyptasynyń telefonyn paıdalanyp, mūny “ázíl úshín” jasaǵanyn jáne saldaryn túsínbegenín moıyndady.
Jasóspírím qylmystyq jauapkershílík jasyna tolmaǵandyqtan, terrorızm aktísí turaly kóríneu jalǵan habar beru faktísí boıynsha qozǵalǵan qylmystyq ís toqtatyldy. Alaıda balanyń ata-anasy ony dūrys tárbıelemegení úshín ákímshílík jauapkershílíkke tartyldy. Sonymen qatar, oqıǵaǵa baılanysty jedel qyzmetterdíń shyǵyndaryn óndíru máselesí qarastyrylmaq.
Polıtsıya terrorızm aktísí turaly jalǵan habar bergení úshín bes jylǵa deıín bas bostandyǵynan aıyru jazasy qarastyrylǵanyn eske salyp, ata-analardy balalarmen qauípsízdík, jalǵan qońyraulardyń saldary jáne telefon men áleumettík jelílerdí dūrys paıdalanu turaly áńgímelesuge shaqyrdy.