Qasıettí Mekkege baryp, qajylyq paryzyn óteudí armandaǵan 180 qazaqstandyq alayaqtardyń qūrbanyna aınaldy. Saud Arabıyasyna qajylyqqa barudy kózdegen ártúrlí aımaq tūrǵyndary Almatyǵa kelgen kezde aldanǵandaryn bír-aq túsíngen. Būl turaly Todayinfo agenttígí jazdy, dep habarlaıdy aqshamnews.kz.
Alayaqtyqty ūıymdastyrǵan adam ózín Meıírjan Yryskeldí dep tanystyrǵan jáne "Zajira Travel" turıstík fırmasynyń prezıdentí retínde eldíń senímíne kírgen. Qajylyq saparyna daıyndyq barysynda jábírlenushíler árqaısysy 450-500 myń teńge kólemínde qarajat tólegen. Olar Almatydan ūshyp shyǵatyn kúní fırma ókílíníń joq ekenín túsíníp, jaǵdaıdy anyqtauǵa kírísken.
"Bíz Semeı, Shymkent, Atyrau, Aqtóbe, Jezqazǵan, Qostanaı sekíldí qalalardan jınaldyq. 180 adam alayaqtyń arbauyna tústík. Bízge turıstík fırmanyń lıtsenzıyasyn nemese naqty ofısín kórsetpegen. Telefon arqyly ǵana sóılesíp, sendírdí. Endí aqshamyzdy qaıtarudy talap etudemíz," – deıdí jábírlenushílerdíń bírí Erbol Baıqashov.
Naıb ımamnyń rólí
Qajylyq saparyn ūıymdastyruǵa Ótegen batyr meshítíníń naıb ımamy – Marsel esímdí azamat ta qatysqan. Onyń meshít qyzmetkerí retínde bergen kepíldígí bolashaq qajylardy sendíruge kómektesken.
"Imam ótírík aıtpaıdy dep sendík. Bíraq olardyń barlyǵy bízdí aldaǵan bolyp shyqty. Qazír qonaq úıden quylyp jatyrmyz, tóleıtín aqshamyz da joq," – deıdí taǵy bír jábírlenushí.
Turfırma basshysynyń aqtaluy
Ózín turıstík fırma basshysy dep tanystyrǵan Meıírjan Bauyrūly jaǵdaıdy túsíndírmek bolyp:
"Men qashpaımyn. Aqshany alǵan basqa bíreu – Asylbek esímdí azamat. Ony tabu múmkín bolmaı jatyr. Eger uaqyt berseńízder, barlyǵyńyzdy aqshamen qamtamasyz etemín," – dep aqtalǵan.
Alaıda jábírlenushíler oǵan senbeı, polıtsıyaǵa aryzdanǵan. Qazírgí uaqytta polıtsıya oqıǵany tergep jatyr.
Jábírlenushílerdíń qazírgí jaǵdaıy
Alayaqtyqtyń qūrbany bolǵandardyń arasynda emízulí balasymen júrgen jas analar da, egde jastaǵy kísíler de bar. Olar qazír Almatynyń ár jerínde uaqytsha baspana ízdep, auyr jaǵdaıda qaldy.
"Ekí adamǵa qajylyq joldamasyn satyp aldyq. Ūshamyz degen úmítímíz aqtalmady. Aqsha da, qajylyq sapary da joq," – deıdí Arystan Mūqashev.
Oqıǵaǵa baılanysty Áuezov audandyq polıtsıya basqarmasy tergeu júrgízude. Jábírlenushíler kúdíktílerdíń ádíl jazalanuyn talap etíp, óz qarajattarynyń qaıtaryluyn kútíp otyr.