Ol óziniń qyzmeti úshin adam basyna 423 myń teńge alyp otyrǵan.
"Kishi qajylyqqa aparamyn" degen almatylyq azamat turǵyndardy 12 mln teńgege san soqtyrǵan, dep habarlaıdy Almaty-akshamy.kz
27 jastaǵy Almaty qalasynyń azamaty Mekkege qajylyqqa barý úshin 30 adam jınaýdy josparlaǵan.
Mekkege barǵysy kelgen 13 jábirlenýshige 12 mıllıon tengege jýyq shyǵyn keltirgen. Sot sheshimimen atalǵan azamatty QR QK-niń 190-baby 3-tarmaǵy (Alaıaqtyq) boıynsha 4 jylǵa bas bostandyǵynan aıyrdy.
"Sottalǵan Abaı oblysy boıynsha Semeı qalasynda qaýipsizdigi ortasha mekemede jazasyn óteýde. Mekemege kelgen kúnnen bastap jeke kásipkerdiń sehynda qolóner jumystarymen aınalysady. Tapqan tabysynan sot úkimi boıynsha belgilengen talap-aryzy boıynsha belgilengen ótemaqysyn tóleıdi. Ózin kútip otyrǵan anasyna qarjylaı kómektesedi", – deıdi sottalǵandardyń eńbegin uıymdastyrý bóliminiń bastyǵy Nýrbolat Sapargalıev.