Aqparattyq dáuírde medıanyń qarjylyq tūraqtylyǵy eń ózektí máselelerdíń bíríne aınaldy. Ózbekstandyq «Halyq sózí» gazetíníń sarapshysy Nūrlan Usmanovtyń aıtuynsha, búgíngí medıanaryqta bír ǵana tabys kózíne súıenu – táuekel, al kírístí ártaraptandyru – būl medıanyń ekonomıkalyq qauípsízdígí. Spıker būl turaly Almatyda ótken «Túrkí álemíníń medıa keńístígí: jańa dáuírdegí míndetter men múmkíndíkter» taqyrybyna VI Halyqaralyq túrkítíldes jurnalıster medıa forumynda aıtty.
Spıkerdíń sózínshe, sońǵy 10 jylda medıa salasy kúrt ózgeríp, dástúrlí tabys modelderí jetkílíksíz bola bastaǵan. Osyǵan baılanysty jańasha tásílder jazylym júıesí, donattar, jarnama jáne granttyq jobalar basylymnyń tūraqty damuyna yqpal etetín negízgí tórt baǵyt retínde ataldy. Spıker Ózbekstan medıasy mysalynda jazylym modelíníń transformatsıyasyn atap óttí.
«Halq suzı» men «Narodnoe slovo» gazetterí jańa bıznes modelderdí kezeń-kezeńímen engízíp keledí. Bíraq resmı basylym bolǵandyqtan, jazylym álí de qaǵaz nūsqa arqyly júzege asyp otyr», – dedí Nūrlan Usmanov.
Bolashaqta saıt, mobıldí qosymsha jáne Telegram-arna arqyly onlaın jazylymdy íske qosu josparlanyp otyr. Būl sheshím oqyrman sanyn arttyryp qana qoımaı, redaktsıyaǵa tūraqty tabys ákelmek. Sarapshynyń aıtuynsha, medıanyń tek jarnamaǵa táueldí boluy ūzaq merzímdí strategıya emes.
«Oqyrman qoldauy mádenıetín qalyptastyru redaktsıya men audıtorıya arasyndaǵy senímdí kúsheıtedí. Bízdíń redaktsıyalar bıznes qūrylymdarmen jáne ÚEŪ-larmen bírlesken jobalardy júzege asyryp júr. Būl tek tabys ákelíp qoımaı, jurnalıstıkanyń qoǵamdyq rólín kúsheıtedí», – dedí ol.
Kóptegen medıalar saıt pen áleumettík jelíde «Gazetke úles qos» sıyaqty arnaıy bólímder ornalastyru arqyly oqyrmannan shaǵyn, bíraq tūraqty qoldau alyp otyr. Alaıda, ekí ózbekstandyq redaktsıyada mūndaı tájírıbe álí engízílmegen.
Ózbekstanda jarnama naryǵy qalyptasu ústínde. Soǵan qaramastan, brendtík kontent, áleumettík seríktestík jobalary jáne taqyryptyq qosymshalar sıyaqty jańa formattarǵa sūranys ósíp keledí.
Aıta keteıík, medıa forumǵa Qazaqstan, Ortalyq Azıya, Túrkıya, Europa elderínen BAQ basshylary, jurnalıster, deputattar, medıa salasyndaǵy ÚEŪ basshylary, Qoǵam qaıratkerlerí, PR menedjerler, baspasóz hatshylary, jurnalıstıka fakultetíníń mūǵalímderí men studentterí t.b. qatysty.