Medeu audanyndaǵy káuaphanalardy sanıtarlyq-epıdemıologıyalyq qyzmet mamandary tekserdí, dep habarlaıdy aqshamnews.kz
Būl turaly Almaty qalasynyń Ekologıya jáne qorshaǵan orta basqarmasynyń mamandary aıtty. Almaty qalasynyń sanıtarıyalyq-epıdemıologıyalyq baqylau departamentí bes dámhanaǵa jospardan tys tekseru júrgízdí. Sonyń íshínde tórt nysannan būzushylyq anyqtaldy, bír faktí boıynsha ís materıaldary sotqa joldandy. Salynǵan aıyppūldyń jalpy somasy 1,2 mln teńgeden asty.
Sonymen qatar «Eco Almaty» JShS-níń qorshaǵan ortany qorǵau jáne ekologıya bólímí tabıǵatty qorǵau polıtsıyasymen bírge bírneshe nysandaǵy tútín shyǵaru faktílerí boıynsha profılaktıkalyq jūmys júrgízdí. Baqylau barysynda «Gruzınskıı dvor» dámhanasynda (Qabanbaı batyr kóshesí, 8), sondaı-aq Qabanbaı batyr kóshesí, 15 mekenjaıynda ornalasqan «Modi» dámhanasynda kómírmen janatyn mangal qoldanylǵany tírkeldí. Jaqyn mańdaǵy úılerdíń tūrǵyndary qatty tútín men ıís shyǵarǵan būl qoǵamdyq tamaqtanu oryndaryna shaǵymdanǵan. «Eco Almaty» mamandary kásípkerlermen «Almaty qalasynyń aumaǵyn kóríktendíru qaǵıdalaryn» qatań saqtau qajettígí turaly túsíndíru jūmystaryn júrgízdí. Olarǵa ekologıyalyq jáne sanıtarlyq talaptar jónínde eskertíldí. Atap aıtqanda, qatty otyndy paıdalanuǵa tyıym salynǵany, al gazben jūmys ísteıtín jabdyq qoldanylǵan jaǵdaıda súzgíler ornatu míndettí ekení túsíndíríldí.
Sondaı-aq, mūndaı qūqyqbūzushylyq úshín jauapkershílík bar ekení aıtyldy. Aıta keteıík, káuaphanalar, qoǵamdyq tamaqtanu oryndary jáne monsha nysandaryna tekseru qalada tūraqty negízde júrgízíledí. Mūndaı oryndar kóbíne shamadan tys tútín men jaǵymsyz ıís shyǵaryp, jaqyn mańdaǵy tūrǵyndarǵa qolaısyzdyq tudyrady.
Ekologtardyń baqylauy atmosferalyq auany qorǵau jáne sanıtarlyq normalardyń saqtaluyn qamtamasyz etu jóníndegí ís-sharalar jospary ayasynda júrgízíledí.
