Almaty qalasynyń Medeu audanynda oqushy oryndarynyń tapshylyǵyn azaıtu baǵytynda jūmystar júrgízílude, – dep habarlaıdy aqshamnews.kz tílshísí.
Būl turaly Óńírlík kommunıkatsıyalar qyzmetínde ótken brıfıngte audan ákímí Erkebūlan Orazalın aıtty.
Sońǵy jyldary audan mektepterínde oryn tapshylyǵy baıqalǵan. Osyǵan baılanysty 2023 jyldan bastap jańa bílím beru nysandaryn salu jáne qoldanystaǵy mektepterdí keńeıtu jūmystary qolǵa alyndy.
Jyl basynda №35 mektep janynan 300 oryndyq qosymsha ǵımarattyń qūrylysy ayaqtaldy. Qazírgí uaqytta №56 mektepte jáne №17 mektep-ınternatynda kúrdelí jóndeu jūmystary júrgízílude.
Samal-2 yqshamaudanynda 300 oryndyq jáne №30 mektepte 180 oryndyq qosymsha ǵımarattardyń qūrylysy jalǵasuda. Atalǵan jobalardyń nátıjesínde 2026 jyldyń sońyna deıín 780 jańa oqushy orny ashylady.
Sonymen qatar, mektepke deıíngí bílím beru ūıymdarynda da oryn sanyn arttyru jūmystary júrgízílude. №112 balabaqshada 290 orynǵa arnalǵan kúrdelí jóndeu jūmystary júrgízílude, al «Duman» yqshamaudanynda 320 oryndyq jekemenshík balabaqshanyń qūrylysy jalǵasuda. Būdan bólek, bıyl jalpy syıymdylyǵy 500 oryn bolatyn 10 jekemenshík balabaqsha ashu josparlanǵan.
Júrgízílíp jatqan jūmystar bílímge qoljetímdílíktí arttyryp, audan boıynsha oryn tapshylyǵyn azaıtuǵa múmkíndík beredí.