Mańǵystau oblysynda jol apatynan tórt jolaushynyń qaza boluyna sebep bolǵan júrgízushí bes jylǵa bas bostandyǵynan aıyryldy, – dep habarlaıdy aqshamnews.kz tílshísí.
Mańǵystau oblysynyń qylmystyq íster jóníndegí mamandandyrylǵan audanaralyq sotynyń málímetínshe, sottalushy Qylmystyq kodekstíń 345-babynyń 4-bólígí boıynsha kínálí dep tanylyp, oǵan 5 jyl bas bostandyǵynan aıyru jazasy taǵaıyndaldy. Sondaı-aq ol 7 jylǵa kólík basqaru qūqyǵynan aıyryldy.
Sot júrgízushíníń kínásín tolyq moıyndauy, jasaǵan ísíne shyn ókínuí, ÍÍ top múgedektígíníń boluy jáne jábírlenushílerdíń materıaldyq árí moraldyq talap qoımauy jeńíldetetín mán-jaılar retínde eskerílgenín habarlady. Auyrlatatyn mán-jaılar anyqtalmaǵan.
Qaıǵyly jol apaty 2026 jyldyń mausym aıynda Aqtau – Beıneu tasjolynda bolǵan. Tergeu málímetínshe, Toyota Camry júrgízushísí jol qozǵalysy erejelerín būzyp, jyldamdyǵyn tómendetpegen árí qauíptíń aldyn alu úshín qajettí sharalardy qabyldamaǵan. Sonyń saldarynan joldyń sol baǵytynda kele jatqan KamAZ júk kólígímen soqtyǵysqan.
Apat saldarynan jeńíl kólíktegí tórt jolaushy auyr jaraqattan oqıǵa ornynda kóz jūmdy.
Memlekettík aıyptaushy sottan júrgízushíní 5 jylǵa bas bostandyǵynan aıyrudy sūraǵan. Al jábírlenushíler ony keshírgenderín aıtyp, jeńílírek jaza taǵaıyndaudy ótíngen. Sottalushy óz kínásín tolyq moıyndap, ókínetínín jetkízgen.
Sot úkímí zańdy kúshíne endí.