Mańǵystaý oblysynda er adam polısıanyń kózinshe ózin órtemek bolǵan. Oqıǵanyń vıdeosy áleýmettik jelide tarady, dep habarlaıdy Aqshamnews.kz Lada.kz-ke silteme jasap.
Oqıǵa Beıneý aýylyndaǵy polısıa bólimine qarasty baqylaý-ótkizý pýnktinde bolǵan. Polısıanyń málimetinshe, er adam buǵan deıin trassada patrúldik qyzmet toqtatqan kólik júrgizýshisi bolǵan. Ol jol qozǵalysy erejesin buzǵany úshin ákimshilik jaýapkershilikke tartylǵan.
Biraz ýaqyttan keıin er adam ózi polısıanyń baqylaý-ótkizý pýnktine kelip, ınspektorlardyń áreketine kóńili tolmaǵanyn bildirgen. Sol jerde ol ústine belgisiz suıyqtyq quıyp, ózin órtemek bolǵan.
Polısıa qyzmetkerleri onyń áreketiniń aldyn alyp, er adamdy medısınalyq mekemege jetkizdi.
«Qazir atalǵan derek boıynsha qylmystyq is qozǵaldy. Sotqa deıingi tergeý júrgizilip jatyr, oqıǵanyń mán-jaıy anyqtalyp jatyr», — dep habarlady oblystyq polısıa departamenti.