Tsıfrlyq jobalardy sapaly árí uaqtyly íske asyruǵa baǵyttalǵan naqty tapsyrmalar beríldí, dep habarlaıdy aqshamnews.kz tílshísí.
Mańǵystau oblysynda Qazaqstan Respublıkasy Premer-Mınıstríníń orynbasary – Jasandy ıntellekt jáne tsıfrlyq damu mınıstrí Jaslan Mádıev pen oblys ákímí Nūrdáulet Qılybaıdyń teń tóraǵalyǵymen óńírdíń tsıfrlyq transformatsıyasy men jasandy ıntellekt tehnologıyalaryn damytu máseleleríne arnalǵan keńes óttí.
Jıyn barysynda óńírdíń tsıfrlyq damuynyń negízgí baǵyttary qaralyp, telekommunıkatsıyalyq ınfraqūrylymdy jetíldíru, memlekettík basqarudy tsıfrlyq transformatsıyalau, jasandy ıntellekt tehnologıyalaryn engízu jáne ınnovatsıyalyq jobalardy íske asyru máselelerí talqylandy.
Óńírde atqarylyp jatqan jūmystar turaly oblys ákímíníń orynbasary Malık Ábdíqadyrov bayandama jasady. Onyń aıtuynsha, Mańǵystau oblysynyń geoaqparattyq portaly jańǵyrtylyp, memlekettík basqaru júıesíne ūshqyshsyz ūshu apparattarynyń tehnologıyalary kezeń-kezeńímen engízílude. Sonymen qatar Mangystau Hub bazasynda jasandy ıntellekt, baǵdarlamalau, robototehnıka jáne kıberqauípsízdík baǵyttary boıynsha mamandar dayarlanyp, memlekettík qyzmetshílerdíń tsıfrlyq qūzyretterín arttyruǵa baǵyttalǵan oqytu jūmystary júrgízílude.
Keńeste óńírdíń tsıfrlyq ekojúıesín odan árí damytuǵa basymdyq beríldí. Atap aıtqanda, óńírlík ahualdyq ortalyq bazasynda bíryńǵaı tsıfrlyq basqaru platformasyn qūru, Data Lake platformasyn qalyptastyru, 109 bíryńǵaı baılanys ortalyǵynyń jūmysyn jetíldíru, ıntellektualdy beınemonıtorıng júıesín keńeıtu jáne telekommunıkatsıyalyq ınfraqūrylymdy damytu máselelerí qaraldy.
Oblys ákímí tsıfrlyq transformatsıya memlekettík basqarudyń tıímdílígín arttyryp, halyqtyń ómír súru sapasyn jaqsartudaǵy mańyzdy faktor ekenín atap óttí.
– Memleket basshysynyń tsıfrlyq transformatsıya men jasandy ıntellektíní damytu jóníndegí tapsyrmalaryn sapaly oryndau – bíz úshín basym míndet. Bíz zamanauı tsıfrlyq sheshímderdí engízu, ıntellektualdy basqaru júıelerín damytu, memlekettík qyzmetterdíń sapasyn arttyru jáne tsıfrlyq ınfraqūrylymdy jetíldíru baǵytyndaǵy júıelí jūmysty jalǵastyramyz, – dedí Nūrdáulet Qılybaı.
Qazaqstan Respublıkasy Premer-Mınıstríníń orynbasary Jaslan Mádıev Tsıfrlyq kodeks, «Jasandy ıntellekt turaly» jáne «Kıberqauípsízdík turaly» zańdardyń normalaryn tıímdí íske asyrudyń mańyzdylyǵyna toqtaldy. Sondaı-aq tsıfrlyq ınfraqūrylymdy odan árí damytu, memlekettík organdar qyzmetíne jasandy ıntellekt tehnologıyalaryn keńínen engízu jáne halyqqa qyzmet kórsetu ortalyqtarynyń jūmysyn jańǵyrtu qajettígín atap óttí.
Keńes qorytyndysy boıynsha tsıfrlyq jobalardy sapaly árí uaqtyly íske asyruǵa baǵyttalǵan naqty tapsyrmalar berílíp, óńírdíń tsıfrlyq transformatsıyasyn jedeldetudíń basym baǵyttary aıqyndaldy.