Qylmystyq kodekstíń ekí baby boıynsha qylmystyq ís qozǵaldy, dep habarlaıdy aqshamnews.kz tílshísí.
24 qyrkúıek kúní saǵat 22:30-da Qazaqstan Respublıkasy Premer-Mınıstríníń orynbasary Qanat Bozymbaevtyń tóraǵalyǵymen Mańǵystau oblysynda áskerı oqu-jattyǵu kezínde áskerı qyzmetshílerdíń qaza boluyna baılanysty qūrylǵan Úkímettík komıssıyanyń otyrysy óttí.
Íshkí íster mınıstríníń orynbasary Sanjar Ádílovtíń bayandauynsha, Qazaqstan Respublıkasy Qylmystyq kodeksíníń 453-babynyń 2-bólígí («Auyr zardaptarǵa ákep soqqan qyzmetke salǵyrt qarau») jáne 465-baby («Keme júrgízu qaǵıdalaryn būzu») boıynsha qylmystyq ís qozǵaldy.
Tergeu ayasynda vedomstvoaralyq jedel-tergeu toby qūrylyp, bírqatar tergeu jáne jedel-ízdestíru ís-sharalary júrgízílude. Jūmysqa tıístí mamandar tartylyp, qajettí sot saraptamalary taǵaıyndaldy.
Qanat Bozymbaev bolǵan oqıǵanyń barlyq mán-jaıyn qysqa merzímde tolyq anyqtap, qaıǵyly jaǵdaıǵa kínálí tūlǵalarǵa qatysty tıístí sharalar qabyldaudy tapsyrdy.
Otyrysta qaza bolǵan áskerı qyzmetshílerdíń otbasylaryna erekshe nazar audaryldy. Premer-Mınıstrdíń orynbasary memleket tarapynan olarǵa qajettí áleumettík jáne materıaldyq qoldau kórsetíletínín atap óttí.
— Zańda kózdelgen materıaldyq kómekten bólek, kómek kórsetkísí keletín azamattardan kóptegen ótínísh túsíp jatyr. Qazaqstan Halyq Keńesíníń múshelerí qaza bolǵan áskerı qyzmetshílerdíń otbasylaryna materıaldyq kómek kórsetetínderín málímdedí. Olardyń bíreuí qaza bolǵan ár áskerı qyzmetshíníń otbasyna 25 mln teńgeden bóldí. Sondaı-aq bírqatar írí bıznes ókílderí de materıaldyq kómek kórsetuge nıet bíldírdí, — dedí Premer-Mınıstrdíń orynbasary.
Qanat Bozymbaev Eńbek jáne halyqty áleumettík qorǵau mınıstrlígíne Mańǵystau oblysynyń ákímdígímen bírlesíp, qaza bolǵan áskerı qyzmetshílerdíń otbasylaryna baǵyttalǵan barlyq qarajattyń bólínuíníń ashyqtyǵy men baqylauyn qamtamasyz etudí tapsyrdy. Ol kómektíń naqty adresattarǵa tolyq kólemde kórsetíluge tıís ekenín atap óttí.
Densaulyq saqtau vıtse-mınıstrí Manas Ramazanovtyń bayandauynsha, oqıǵadan keıín medıtsınalyq mekemege jetkízílgen áskerı qyzmetshíníń jaǵdaıy tūraqty. Onyń ómíríne qauíp tóníp tūrǵan joq, qajettí medıtsınalyq kómek kórsetílíp jatyr.
Otyrysqa Íshkí íster, Tótenshe jaǵdaılar, Eńbek jáne halyqty áleumettík qorǵau, Densaulyq saqtau, Kólík mınıstrlíkteríníń vıtse-mınıstrlerí, QR ŪQK Shekara qyzmetí dırektorynyń orynbasary, Bas áskerı prokuror jáne Mańǵystau oblysynyń ákímí Nūrdáulet Qılybaı qatysyp, bayandama jasady.
Úkímettík komıssıyanyń jūmysy jalǵasuda.