Kezdesu Memleket basshysynyń IV Ūlttyq qūryltaıda aıtqan ıdeyalary men tūjyrymdaryna arnaldy. Jıynǵa qatysushylar ūlttyq ıdeologıya, mádenı mūra jáne qoǵamdyq sanany jańǵyrtu máselelerín talqylady.
Kezdesude Qazaqstan Jazushylar odaǵynyń tóraǵasy Mereke Qūlkenov Memleket basshysynyń Ūlttyq qūryltaıda aıtqan bastamalaryna toqtalyp, onyń ıdeologıyaǵa, ūlttyq qūndylyqtar men tárbıege qatysty ūstanymdaryna joǵary baǵa berdí. Ol ūlt zıyalylarynyń, ásírese Qanysh Sátbaev sıyaqty ruhanı tūlǵalardyń el bolashaǵy úshín jasaǵan eńbekterín úlgí ete otyryp, qazírgí qoǵamǵa da sondaı janashyrlyq qajet ekenín atap óttí.
Sondaı-aq, Mereke Qūlkenov 23 sáuírdíń Ūlttyq kítap kúní retínde belgílenuín mańyzdy bastama dep baǵalap, kítap pen merzímdí basylymdardyń qoǵamdyq sanaǵa áserí turaly oı qozǵady.
Jıynda qalalyq densaulyq saqtau jáne sport salasynyń ókílderí de sóz sóılep, Memleket basshysynyń sózín tolyq qoldaıtyndaryn bíldírdí. Olar qazírgí tańda júzege asyrylyp jatqan memlekettík baǵdarlamalar ayasynda qol jetkízílgen jetístíkter men jańa bastamalar jónínde bayandady. Almaty qalasynyń ákímdígí tarapynan kórsetílíp jatqan qoldau men ınfraqūrylymdyq jobalar densaulyq saqtau men sport salalaryn damytuda úlken serpín beríp otyr.
Kezdesudíń negízgí bayandamashylarynyń bírí – QR Prezıdentíníń keńesshísí Málík Otarbaev boldy. Ol óz sózínde Memleket basshysynyń ıdeologıyalyq baǵyty men memlekettík reformalar jaıly keńínen aıtyp, ádíldík, sabaqtastyq jáne órleu qaǵıdattary tóńíregíndegí ıdeyalardy taldady.
Ol sondaı-aq, halqymyzdyń Saq dáuírínen bastau alatyn baı tarıhyn tek ótkenníń kóleńkesínde emes, búgíngí kúnníń nūrly kelbetímen úılestíre qarap, ūlttyq qūndylyqtardy dárípteu qajet ekenín jetkízdí. Málík Nūrjanūly "bírtūtas ūlt" jáne "bíregeı halyq" ūǵymdarynyń qazírgí tańda būrynǵydan da ózektí ekenín atap óttí.
Almatyda ótken būl kezdesu – Memleket basshysynyń Ūlttyq qūryltaıdaǵy bastamalaryn jergílíktí deńgeıde túsíndíru jáne qoldau sharalarynyń bír kórínísí. Ūlttyq ıdeologıyany nyǵaıtu, mádenıet pen ruhanıyatty damytu, halyqtyń áleumettík salalarǵa degen senímín arttyru – búgíngí kúnníń basty míndetí bolyp qala beredí. El bírlígí men tarıhı jady – ūlt bolashaǵynyń myzǵymas negízí ekenín jıyn qatysushylary taǵy bír márte eske saldy.
