Májilis depýtattary halyqqa qyzmet kórsetý ortalyqtaryn (HQQO) jekemenshikke berý máselesin qatty synǵa aldy, dep habarlaıdy aqshamnews.kz.
Depýtat Ekaterına Smyshláeva Premer-mınıstrdiń birinshi orynbasary Roman Sklárdan HQQO-ryn jekege berý týraly túsinikteme berýdi talap etti.
Smyshláeva depýtattyq otyrysta bul sheshimniń azamattardyń jeke derekteriniń qaýipsizdigine qaýip tóndiretinin atap ótti. Onyń aıtýynsha, strategıalyq mańyzdy memlekettik obektilerdi jekemenshikke berý — bul qupıa aqparattyń urlanýy nemese basqa da qaýipterdi týdyrýy múmkin.
Bıylǵy jyldyń basynda qabyldanǵan zań jobasy jeke seriktesterge qoıylatyn talaptardy qatańdatty. Bul ózgeristerdiń negizgi maqsaty — derekterdiń qaýipsizdigin qamtamasyz etý jáne qujattarmen jumys isteý prosesin retke keltirý boldy. Sondaı-aq, zańdaǵy ózgeristerdiń mańyzdy baǵyty — deldaldardy azaıtý, ıaǵnı olardyń qyzmetin zańdastyrý.
Depýtattyń pikirinshe, HQQO-larǵa memlekettik baqylaý saqtalýy qajet. Al jekemenshik uıymdardyń qatysatyn jaǵdaıdyń ózinde tek qujattardy qabyldap, berý prosesimen shektelýi kerek. Bylaısha aıtqanda olardyń qoldaryn úlken derekter bazasyna jetkizbeý kerek.
«Az sóıle, kóp iste» degen jaqsy maqal bar. Jekeshelendirý týraly daýly málimdemeler jasaýdyń ornyna, memlekettik korporasıalarǵa is júzinde sheshimder qabyldap, zańnamalyq jańalyqtardy júzege asyrý kerek. HQQO-da áli de deldaldar kóptep kezdesedi. Olar konsaltıńtik kompanıalarǵa aınalyp otyr. Al shalǵaı aýyldarda áli de halyq memlekettik qyzmetterdi alý úshin birneshe shaqyrym jol júrýge májbúr», — dep atap ótti Smyshláeva.