Bıyl keshendí testíleuge 58 myńǵa juyq adam qatysyp, eń joǵary nátıje 139 ball boldy, – dep habarlaıdy aqshamnews.kz tílshísí.
Testíleu qorytyndysy boıynsha ǵylymı-pedagogıkalyq baǵyttaǵy talapkerlerdíń ortasha kórsetkíshí 77 ball bolsa, beıíndí baǵyt boıynsha ortasha nátıje 24 baldy qūrady.
Alaıda testíleu kezínde bírqatar talapker erejení būzǵan. Nátıjesínde 94 adamnyń testíleu nátıjesí joıyldy. Onyń íshínde 69 talapker smartfon, shpargalka jáne basqa da tyıym salynǵan zattardy audıtorıyaǵa alyp kíruge áreket jasaǵany úshín test tapsyru múmkíndígínen aıyryldy. Taǵy 25 adam testíleu erejesín būzǵany úshín audıtorıyadan shyǵarylyp, olardyń nátıjelerí de joıyldy.
Grantqa qansha ball kerek?
Ǵylymı-pedagogıkalyq baǵyt boıynsha magıstraturaǵa túsu úshín kemínde 75 ball, al beıíndí baǵyt boıynsha kemínde 30 ball jınau qajet.
Grant konkursyna qūjat qabyldau 12-18 tamyz aralyǵynda ótedí. Grant ıegerleríníń tízímí 25 tamyzǵa deıín jarıyalanady. Al magıstraturaǵa qabyldau rásímí 28 tamyzǵa deıín ayaqtaluy tıís.
Konkursqa qatysu úshín talapkerler:
jeke kuálígíníń kóshírmesín;
joǵary bílím turaly dıplom men onyń qosymshasyn;
KT sertıfıkatyn;
bar bolǵan jaǵdaıda shet tílín meńgergenín rastaıtyn halyqaralyq sertıfıkatty tapsyruy kerek.
Qūjat tapsyru kezínde talapker bílím beru baǵdarlamalarynyń bír tobyn jáne úsh joǵary oqu ornyn tańdaı alady.