– Bizdiń jumysymyz qoǵamdyq tártipti qadaǵalap, turǵyndarmen kúndelikti baılanys ornatý bolǵandyqtan, «Spýtnık-V» vaksınasynyń eki birdeı dozasyn alyp úlgerdim.
Esh jerim aýyrmady, kerisinshe, ózimdi jaqsy sezinip, ekpe alysymen-aq jumysqa shyǵyp kettim. Úıde kishkentaı hanshaıymymyz, qart anamyz bar, sol sebepten jubaıym ekeýmiz ekpeni qatar aldyq. Tipti, jumys ornymyzdaǵy adamdardyń 80%-ǵa jýyǵy vırýstan qorǵaıtyn ekpeniń eki dozasyn aldy.
Óıtkeni biz tek ózimizdiń ǵana emes, qarapaıym halyqtyń, jaqyndarymyzdyń densaýlyǵyna jaýaptymyz.
Meniń oıymsha, árqaısymyz densaýlyǵymyzdy qorǵap, bárine jaýapkershilikpen qarap, indetti biraýyzdan aýyzdyqtaıtyn bolsaq, beımaral ómirimizge erterek oralyp, alystaǵy jekjattarmen burynǵydaı arqa-jarqa bolyp qaýyshar edik.