Parıjdegí Luvr mūrajaıynyń kítaphanasynda tótenshe jaǵdaı oryn alyp, ǵımaratqa kírgen las su saldarynan júzdegen qūjat jaramsyz kúıge tústí, dep habarlaıdy Aqshamnews.kz.
Mūrajaı ákímshílígí basshysynyń orynbasary Frensıs Steınboktyń aıtuynsha, káríz júıesíndegí aqau Mysyr órkenıetíne qatysty materıaldar saqtalǵan bólímníń bír bólígín su basuyna ákelgen.
Aldyn ala derekterge sáıkes, 400-ge juyq basylym zaqymdanǵan. Qazír olardy esepke alyp, sudan alǵan soń ár betíne jeke-jeke keptíru jūmystary júrgízílíp jatyr. Jauapty mamandardyń sózínshe, búlíngen materıaldardyń barlyǵy tek mamandar. Egıpettanushylar, muzeı qyzmetkerlerí men studentter ǵana qoldanatyn arnaıy ádebıetter: merzímdí basylymdar, anyqtamalyqtar men arheologıyalyq jurnaldar. Eń eskí nūsqalary XIX ǵasyrdyń sońyna, qalǵandary XX ǵasyrdyń basyna jatady.
Sonymen qatar ol ǵımarattaǵy jeldetu jáne jylytu júıesínde būrynnan berí sheshílmegen máseleler bar ekenín moıyndady. Su kírgen aımaq muzeıdíń jaqyn arada jóndeuden ótetín bólígíne jatatyny da aıtyldy.
Eske sala ketsek, Luvr 2026 jyldyń sońyna deıín 100 jańa beınebaqylau kamerasyn ornatudy josparlap otyr. Būl qadam sońǵy ūrlyq oqıǵasynan keıín qabyldanǵan qauípsízdík sharalarynyń bír bólígí retínde qarastyryluda.