BŪŪ EQB men BŪŪ Áıelder ūıymynyń jańa esebíne sáıkes, ótken jyly 83 000 áıel men qyz qasaqana óltírílgenín málímdedí, dep habarlaıdy Aqshamnews.kz tílshísí.
Belgílí bolǵandaı, qylmystardyń 60%-ynda nemese 50 000 ólím qyzdardyń jáne áıelderdíń jaqyn seríktesterí nemese otbasy múshelerí tarapynan bolǵan. Būl derek orta eseppen alǵanda kúníne 137 áıel men qyzdyń tūrmystyq zorlyq-zombylyqtan qaıtys bolatynyn bíldíredí.
Al er adamdardyń qazasynyń tek 11%-y ǵana jaqyn seríktesterí tarapynan bolady eken.
BŪŪ EQB dırektorynyń míndetín atqarushy Djon Brandolıno kóp áıel úshín úı «qauíptí, keıde ólímge ákeletín oryn» bolyp qala beretínín atap ótíp, memleketterdí femıtsıdterdíń aldyn alu jáne qūrbandardy qorǵau sharalaryn kúsheıtuge shaqyrdy.
Dúnıe júzíndegí barlyq derlík aımaqtarda alańdatarlyq statıstıka saqtalyp otyr. Mūndaı kísí óltírudíń eń joǵary kórsetkíshterí Afrıka elderínde tírkelgen. Odan keıín Amerıka, Okeanıya, Azıya jáne Europa elderí keledí.