Almaty qalalyq qoǵamdyq densaulyq saqtau basqarmasynyń basshysy Narıman Tabynbaev brıfıng barysynda koronavırusqa qarsy Pfizer vaktsınasy qandaı jaǵdaıda saqtaluy kerektígín túsíndírdí, dep habarlaıdy almaty-akshamy.kz
Narıman Tabynbaev Almatydaǵy barlyq 137 egu punktíne Pfizer vaktsınasy jetkízíletínín atap óttí.
«Úkímet bírínshí kezeńde vaktsınalanatyn úsh basym topty anyqtap berdí. Qazír qalaǵa Pfizer preparatyn ákelu josparda. Sonymen qatar, būl vaktsınany mektepterge baru arqyly júrgízuge rūqsat etíledí. Aıta keteıín, vaktsınatsıya eríktí túrde jáne ata-analardyń kelísímímen júrgízíledí», - dedí spıker.
Sonymen qatar, ol vedomstvoda vaktsınany saqtau boıynsha naqty nūsqaular bar ekenín tílge tıek ettí.
«Pfizer vaktsınasy 60-90 gradus temperaturada saqtaluy tıís. Būl - ázírleushílerdíń basty talaby. Erítílgennen keıín ampulalardy 2-8 gradus temperaturada saqtauǵa bolady. Preparatty jalpy alǵanda 30 kúnge deıín suyq tízbektí saqtaı otyryp qoldanuǵa bolady, osy uaqyt íshínde ol ózíníń qasıetterín saqtaıdy», - dep tolyqtyrdy Narıman Tabynbaev.