1 000 teńgelík kúmís monetalardyń qashan satuǵa shyǵarylatyny qosymsha habarlanady
Ūlttyq bank «Este qalatyn oqıǵalar men bírtuar adamdar» serıyasynan Qazaqstan konstıtutsıyasyna 30 jyl kollektsıyalyq monetalaryn aınalysqa shyǵarady, dep habarlaıdy Azattyq Rýhy Ūlttyq banktíń baspasóz qyzmetíne sílteme jasap.
Qazaqstan konstıtutsıyasyna 30 jyl monetalary turaly
Qazaqstan Konstıtutsıyasynyń 30 jyldyǵy – elímízdíń qūqyqtyq memleket qūru jáne demokratıyalyq ınstıtuttardy nyǵaıtu jolyndaǵy tarıhı taǵdyryn aıshyqtaıtyn aıtuly data. Ata Zań táuelsízdíktíń írgetasy, bírlík pen azamattyq kelísímníń sımvoly sanalady.
Monetalarda el Konstıtutsıyasyn aıshyqtaıtyn ashyq kítap, al onyń ústínde Qazaqstan kartasynyń kontury fonynda «30» sany beınelengen. Qazaqstan kartasynyń dál ortasyna kúndí beıneleıtín shańyraq ornalasqan. «30» sanyn beıneleu ísínde altyn jalatu tehnologıyasy qoldanylǵan. Monetanyń erekshelígí de sonda.
Monetalar:
altyn jalatylǵan 925 synamdy kúmísten jasalǵan. Massasy 31,1 gramm, dıametrí 38,61 mm, daıyndau sapasy – «proof», nomınaly 1 000 teńgelík, taralymy – 1 000 (bír myń) dana;
nıbrass/neızılber qospalarynan (bıkolorly) jasalǵan. Massasy 6,45 gramm, dıametrí 24,5 mm, daıyndau sapasy – «uncirculated», nomınaly 100 teńgelík, taralymy – 5 000 000 (bes mıllıon) dana.
Nomınaly 1 000 teńgelík kúmís monetalardyń QŪB ınternet-dúkení arqyly qashan satuǵa shyǵarylatyny QŪB resmı saıtynda qosymsha habarlanady.
Nomınaly 100 teńgelík bıkolorly monetalar tsırkulyatsıyalyq monetalarmen bírge Qazaqstan Respublıkasynyń aumaǵynda erkín aınalymda bolady.
Kollektsıyalyq monetalar Qazaqstan Respublıkasynyń búkíl aumaǵynda ózderíníń belgílengen qūnyna saı tólemníń barlyq túrí boıynsha qabyldanuǵa, sondaı-aq eldíń barlyq bankíndegí banktík shottarǵa esepke alynuǵa jáne audarym jasaluǵa, ūsaqtaluǵa jáne aıyrbastaluǵa jatady.
Kollektsıyalyq monetalar Qazaqstan teńge saraıynda daıyndaldy.