29 tamyzda ál-Farabı atyndaǵy QazUÝ-da Qazaqstan Konstıtýsıasynyń 30 jyldyǵyna arnalǵan halyqaralyq ǵylymı-tájirıbelik konferensıa ótti. Sharaǵa otandyq jáne sheteldik zańger-ǵalymdar, memlekettik organdardyń ókilderi men halyqaralyq uıymdar qatysty.
Qatysýshylar 1995 jylǵy Konstıtýsıanyń táýelsiz Qazaqstannyń turaqtylyǵy men damýynyń berik irgetasyna aınalǵanyn atap ótti. Negizgi zań adam quqyqtaryn qorǵaý, zań ústemdigin qamtamasyz etý, memlekettik basqarýdyń ashyqtyǵy men sıfrlyq transformasıasyn damytýda erekshe ról atqarady.
Konferensıada QazUÝ rektory Janseıit Túımebaev Konstıtýsıanyń el damýy úshin strategıalyq mańyzyn atap ótip, jańa býyn zańgerleriniń quqyqtyq mádenıeti men azamattyq jaýapkershiligin qalyptastyrýdyń ózektiligin kóterdi. Al Dırektorlar keńesiniń tóraǵasy Qaırat Mámı Negizgi zańdy qurmetteý – shynaıy otanshyldyqtyń kórinisi ekenin aıtty.
Konstıtýsıa kúnine oraı birqatar zańgerler memlekettik nagradalarmen marapattaldy. Atap aıtqanda, Qaırat Mámı «Otan» ordenin, Igor Rogov İ dárejeli «Barys» ordenin ıelendi. Bul – olardyń konstıtýsıonalızmdi damytýdaǵy eńbegine berilgen joǵary baǵa.
Sondaı-aq, qazaqstandyq ǵalymdarmen birge Qyrǵyzstan, Ózbekstan jáne Tájikstannan kelgen zertteýshiler konstıtýsıalyq reformalar, genderlik teńdik, jergilikti ózin-ózi basqarý men kásipkerlik erkindik týraly baıandamalar jasady.
Qorytyndysynda, konferensıa tek ǵylymı pikirtalas emes, konstıtýsıalyq ǵylymdy damytýǵa, quqyqtyq memleketti nyǵaıtýǵa arnalǵan tájirıbe alańyna aınaldy.